Wuj Richin Bix Chire ri Dios 20:6 - Kaqchiquel Bible

⁶ Wakami xinwetamaj, chi ri Jehová kan nuya-wi ch'akonik chire ri rucha'on rija'; kan k'a chila' chikaj xtuk'uluba-pe ri ruch'abel, rik'in ri nimalej ruchuq'a' xtukol.

Wuj Richin Bix Chire ri Dios 20:6 ပူးပေါင်းရင်းမြစ်များ

Wuj Richin Bix Chire ri Dios 28:8

Ja rat ri at uchuq'a' richin ri atinamit Israel. Chuqa' kan nakol ri rey ri acha'on rat.

Hechos 5:31

Y ri Dios chuqa' xunimirisaj k'a ruq'ij ri Jesús, rik'in ri xutz'uyuba-apo pa rijkiq'a', y xuben chire chi ja rija' ri nuk'uan qichin y ri nikolon qichin chuqa'. Xuben ronojel re' richin nitzolin qak'u'x rik'in ri Dios roj ri oj judío, y nikuyutej qamak.

Hechos 4:10

Tiwetamaj k'a rix ri ixk'o-pe wawe', y tiketamaj k'a chuqa' konojel ri qawinaq judío, chi re jun achin re k'o wawe' chiwech, xk'achoj roma ri ruchuq'a' ri Jesucristo ri aj-Nazaret toq xqanataj ri rubi'. Ja Jesucristo ri' ri xiteq rukamisaxik chuwa ri cruz, y ri Dios chuqa' xuben chi xbek'astej-pe chikikojol ri kaminaqi'.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

Wuj Richin Bix Chire ri Dios 18:50

Ri Jehová, toq nucha' jun rey, kan nuya' ch'akonik pa ruq'a'. Nuya' ri rutzil pa nuwi' yin David, y chike ri e wijatzul richin tibe-q'ij tibe-seq.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Hechos 2:36

Tiwetamaj k'a chi'iwonojel rix nuwinaq judío chi kan qitzij wi chi ri Jesús ri xiteq rukamisaxik chuwa ri cruz, kan ja wi rija' ri banon-pe chire roma ri Dios chi ja rija' rajaw ronojel, y ri Mesías, xcha'.*f9*

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 41:11

Richin keri' ri e etzelanel wichin man xkinkich'ek ta. Rik'in k'a re' xtinwetamaj chi kan in qajineq chawech.

Wuj Richin Bix Chire ri Dios 18:35

Ja rija' ri niya'on ri ch'akonik chuwe. Rija' kan yirutemej, y kan yiruto' richin yibe pa jotol.

Wuj Richin Bix Chire ri Dios 17:7

Tak'utu' k'a ri nimalej ajoyowanik. Tak'utu' chi rat kan ye'akol-wi ri nikito-ki' awik'in, kan ye'akol chuwech ri e etzelanel kichin.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Rey 8:30

Kan kinawak'axaj k'a toq yikamela'an yin ri in asamajel y chuqa' toq yekamela'an ri atinamit pa ruchojmilal ri awachoch. Kan tawak'axaj k'a pe ri chila' chikaj ri akuchi atk'o-wi, y takuyu' tasacha' qamak.

Hechos 2:33

Xuk'uex chuqa' chila' chikaj roma ri rutata' Dios. Y rija' xuk'ul k'a ri Loq'olej Espíritu ri sujun chire. Toq rija' xuk'ul yan k'a ri Loq'olej Espíritu, xuteq k'a pe qik'in roj, y ja yan k'a rusamaj re' ri xitz'et y xiwak'axaj-el qik'in re wakami.

Wuj Richin Bix Chire ri Dios 9:15

Ri winaqi' richin ch'aqa' chik ruwach'ulew xekibanala' jul, xekiyala' pikbel y xa ja rije' ri xeqaqa chupan.

Wuj Richin ri Miqueas 4:5

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.