Wuj Richin Bix Chire ri Dios 2:12 - Kaqchiquel Bible

¹² Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 2:12 ပူးပေါင်းရင်းမြစ်များ

Wuj Richin Bix Chire ri Dios 40:4

Jebel ruwa-ruq'ij ri wineq ri nukuquba' ruk'u'x awik'in rat Jehová, y man nukuquba' ta ruk'u'x kik'in winaqi' ri kinimirisan-ki', ni man nutzeqelibej ta ch'aqa' chik dios.

San Juan 5:23

Richin keri', yin xtink'ul k'a chuqa' nuq'ij achi'el ri nuk'ul ri nata'. Roma achike wineq ri man xtiya'on ta nuq'ij yin ri k'ajolaxel, man nuya' ta k'a chuqa' ruq'ij ri nata', ri taqayon-pe wichin.

Wuj Richin Bix Chire ri Dios 84:12

Jehová k'iytisanel richin ronojel, jebel ruwa-kiq'ij ri winaqi' ri kikuquban kik'u'x awik'in.

Wuj Richin Bix Chire ri Dios 34:8

Titejtobej y titz'eta' chi kan utz-wi ri Jehová. Jebel ruwa-ruq'ij ri wineq ri nukuquba' ruk'u'x rik'in.

Wuj Richin ri Jeremías 17:7

Jak'a jebel ruwa-ruq'ij ri wineq ri rukuquban ruk'u'x wik'in yin, ri kan nroyobej ronojel wik'in yin.

Wuj Richin ri Isaías 30:18

Jak'a ri Jehová kan nrajo' nujoyowaj iwech; rija' kan janila nrajo' nuk'ut ri rajowabal chiwech, roma rija' kan jun Dios richin chojmilal. Jebel ruwa-kiq'ij ri kikuquban kik'u'x rik'in ri Jehová.

Wuj Richin Etamabel-Tzij 16:20

Ri wineq ri kan nuch'ob rij jebel ri achike ri nuben, kan nibe-wi pa jotol; jak'a ri wineq ri kan nroyobej ruto'onik ri Jehová, kan nril-wi urtisanik.

1 Pedro 2:6

Roma ri' nubij chupan ri ruch'abel ri Dios:*f3* chiri' pa Sión kan xtinya' k'a jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. Y xabachike k'a ri rukuquban ruk'u'x rik'in, kan man xtik'ixbitej ta, nicha'.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

Romanos 9:33

Toqaqa chi'ik'u'x ri nubij ri Dios chupan ri tz'ibatel kan:*f28* Kan xtinya' chiri' pa Sión jun abej ri xtuben chike ri winaqi' chi xtikipajk'ij kaqen chirij. Jak'a ri nikikuquba' kik'u'x rik'in, kan man xkek'ixbitej ta, xcha'.

Wuj Richin Bix Chire ri Dios 2:5

K'ari' rik'in janila royowal xkeruch'olij, y kan xtusech kik'u'x.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

Os 13:2

Wakami xa kan k'a yemakun na k'a, roma kan k'a nikiya'erisaj na saqipueq y yekibanala' wachibel chire richin nikiya' kiq'ij. Achi'el k'a xqa' chikiwech rije' keri' xkiben chire, k'ari' xkibij chike ri winaqi' chi kekamela'an chikiwech. Ri winaqi' kan yekitz'ubaj k'a ri wachibel richin bóyix ri xeban.

Wuj Richin Bix Chire ri Dios 2:7

Yin kan xtinya' rutzijol ri ruch'obonik ri Dios. Ri Jehová kere' rubin chuwe: Rat at nuk'ajol y yin in atata'.

Romanos 10:11

Y chupan ri ruch'abel ri Dios nubij chi xabachike k'a ri rukuquban ruk'u'x rik'in, kan man xtik'ixbitej ta.*f31*

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

Wuj Richin Bix Chire ri Dios 31:20

Kan ye'achajij k'a chuwech ri kich'obonik ri e banoy etzelal. Kan awik'in k'a rat nikito-ki' chire ri kiyoq'onik ri winaqi' ri'.

Wuj Richin Bix Chire ri Dios 34:9

Tiqasaj-iwi' chuwech ri Jehová, rix ri ix ch'aron chik chire rija'. Roma ri k'o rukiy ri Dios chikiwech, man jun achike xtikajo'.

Wuj Richin Bix Chire ri Dios 109:20

Ja ta k'a rutojbalil re' ri xtuya' ri Jehová chike ri e etzelanel wichin, chike ri winaqi' ri yech'on itzel chuwij.

Wuj Richin ri Sofonías 2:2

richin chi man napon ta ri q'ij richin xkixelesex-el wawe', achi'el toq ri kaq'iq' nuk'uaj-el ri solot; richin chi man nipe ta pan iwi' ri ruq'aq'arinen ri royowal ri Jehová; ni man noqaqa ta ri q'ij richin ri royowal ri Jehová pan iwi'.