Wuj Richin Bix Chire ri Dios 19:8 - Kaqchiquel Bible

⁸ Ri pixa' ri nuya' ri Jehová kan e choj; kan nuben chi nikikot ri ránima ri wineq. Ri ruch'abel ri Jehová, kan e ch'ajch'oj, y kan nusaqirisaj ri runaq'-ruwech ri wineq.

Wuj Richin Bix Chire ri Dios 19:8 ပူးပေါင်းရင်းမြစ်များ

Wuj Richin Bix Chire ri Dios 12:6

Ri ruch'abel ri Jehová kan qitzij y ch'ajch'oj, kan achi'el ri saqipueq toq niq'axex wuqu' mul pa q'aq' richin nich'ajch'ojir.

Wuj Richin Bix Chire ri Dios 119:105

Ri ach'abel rat Jehová kan achi'el jun q'aq' ri nusaqirisaj ri nubey; kan jun saqil akuchi yibiyin-wi.

Wuj Richin ri Jeremías 15:16

Toq yach'on-pe wik'in, ri ach'abel kan ninben wichin chire. Ri ach'abel jebel nuben chuwe y jari' ri nibanon chire ri wánima richin nikikot, roma yin kan in awichin rat Jehová, Dios k'iytisanel richin ronojel.

Wuj Richin Etamabel-Tzij 30:5

Chikijujunal ri rutzij ri Dios kan e ch'ajch'oj e ch'ajch'oj; y rija' kan achi'el k'a jun tobel, ri akuchi utz nikito-ki' ri winaqi', ri kan nikikuquba' kik'u'x rik'in.

Wuj Richin Bix Chire ri Dios 119:128

Roma ri' kan ja ri apixa' ri nutzeqeliben pa ruwi' ronojel; kan ninwetzelaj k'a ronojel ri man qitzij ta.

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Wuj Richin Bix Chire ri Dios 119:92

Xa ta man ta ri apixa' rat ri xok nukikoten, yin xa kan xiken yan ta chupan ri nutijoj-poqonal.

Wuj Richin Bix Chire ri Dios 119:80

Yin kan in tz'aqet ta k'a chupan ri apixa' ri aya'on rat, richin keri' kan man jun bey ta k'a xkik'ixbitej.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Romanos 7:22

Ri wánima kan yalan-wi nikikot rik'in ri rupixa' ri Dios.

Gálatas 2:19

Yin man chik ink'o ta chuxe' ri nubij ri pixa', roma xa achi'el in kamineq chik. Y re ink'es wakami, kan roma k'a ri Dios.

Romanos 3:20

Man jun wineq roma kan rubanon ri nubij ri pixa', roma ta ri' nitz'etetej roma ri Dios chi man jun rumak. Man keri' ta. Ri pixa' xaxe nuk'ut chiqawech chi kan oj aj-maki'.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

Wuj Richin Bix Chire ri Dios 119:16

Kan xkikikot k'a rik'in ri apixa'; y man jun bey xtinmestaj.

Wuj Richin Bix Chire ri Dios 119:14

Janila yikikot roma ninnimaj ri apixa', roma k'o más rejqalen chuwech jun beyomel.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Wuj Richin Bix Chire ri Dios 119:171

Ri nuchi' kan jantape' k'a xtuya' aq'ij toq rat xtak'ut chinuwech ri apixa'.

Wuj Richin Bix Chire ri Dios 119:143

Yin kan k'o k'a tijoj-poqonal y q'axo'n pa nuk'aslen, jak'a ri apixa' kan nukuquba' nuk'u'x y yikikot.

Wuj Richin Bix Chire ri Dios 119:130

Ri rusolik rij ri ach'abel kan nisaqirisan. Kan nusaqirisaj k'a kiwech ri maneq kinojibal.

Wuj Richin Bix Chire ri Dios 119:121

Ronojel nubanon pa ruchojmilal. Roma ri' man kinamalij kan pa kiq'a' ri yetz'ilo wichin.

Wuj Richin Bix Chire ri Dios 119:40

Yin kan jantape' k'a nurayiben-pe nintaqej ri apixa'. Tabana' utzil taya' nuk'aslen, roma rat kan at choj-wi.

Wuj Richin Bix Chire ri Dios 119:12

Kan nimalej aq'ij rat Jehová: Tabana' utzil tak'utu' chinuwech ri jalajoj ruwech apixa'.

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Wuj Richin Bix Chire ri Dios 13:3

Jehová nu-Dios yin, kinatzu' y kinawak'axaj. Taya' wuchuq'a' richin man yiken ta roma q'axo'n,

Ex 18:16

Rije' yepe wik'in, toq k'o oyowal chikikojol y yin ninq'et-tzij pa kiwi'. Y jari' toq ninq'alajirisaj-el ri pixa' chikiwech y ronojel ri nrajo' ri Jehová, chi nikiben, xcha' ri Moisés.

Wuj Richin ri Rutikeribel 26:5

Roma ri Abraham xuben ri xinbij chire: Xunimaj nutzij, xutaqej ri jalajoj ruwech pixa', ronojel re' pa ruchojmilal xuben, xcha' ri Dios chire ri Isaac.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Wuj Richin ri Isaías 64:5

Rat kan ye'ak'ul chi utzil ri kan rik'in kikoten nikiben ri ruchojmilal, y ri noqaqa chikik'u'x ri bey ri ak'utun kan rat chikiwech. Rat kan janila awoyowal roma xojmakun roj; kan ojer chik ri' qaya'on q'axo'n chawe.

Wuj Richin Bix Chire ri Dios 119:54

Jehová, ri apixa' rat kan jari' k'a nok nubix yin, xabakuchi yik'oje-wi.

Wuj Richin Bix Chire ri Dios 119:24

Yin kan jantape' yikikot rik'in ri ach'abel ri aya'on kan, roma nubanon chire chi kan jari' ri nupixabanel.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin ri Nehemías 8:12

Xeri' konojel ri winaqi' xebe y xewa-xe'uk'ya', chuqa' xesipan kik'in ri man jun k'o kik'in. Y kan xenimaq'ijun rik'in nimalej kikoten, roma xq'ax chikiwech ri tijonik ri xya'ox chike.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

2 Rey 17:37

Tibana' k'a ronojel ri pixa' ri nuya'on chiwe, y man ke'isamajij ch'aqa' chik dios.

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

Wuj Richin Bix Chire ri Dios 111:7

Ronojel ri nuben rija', jari' ri qitzij y kan pa ruchojmilal. Ri nubij chupan ri rupixa' kan jari' k'a ri nuben.