Wuj Richin Bix Chire ri Dios 19:7 - Kaqchiquel Bible

⁷ Ri rupixa' ri Jehová kan tz'aqet y kan nuya' k'ak'a' qak'aslen; ri ruchojmilal ri xuya' ri Jehová, kan richin q'asen y nuben chire ri maneq retamabal chi nok aj-na'oj.

Wuj Richin Bix Chire ri Dios 19:7 ပူးပေါင်းရင်းမြစ်များ

Wuj Richin Bix Chire ri Dios 119:130

Ri rusolik rij ri ach'abel kan nisaqirisan. Kan nusaqirisaj k'a kiwech ri maneq kinojibal.

Wuj Richin Bix Chire ri Dios 111:7

Ronojel ri nuben rija', jari' ri qitzij y kan pa ruchojmilal. Ri nubij chupan ri rupixa' kan jari' k'a ri nuben.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Wuj Richin Etamabel-Tzij 1:4

Re' chuqa' kan richin chi ri maneq ok ketamabal ye'ok nowineq, richin chi ri k'a e ak'uala' na nik'oje' ketamabal y nikiya' rukojol ri utz y ri man utz ta.

Wuj Richin Bix Chire ri Dios 23:3

Nuya' k'ak'a' wuchuq'a'. Kan yiruyuqej k'a chupan jun utzilej bey, achi'el ri rusujun chuwe.

Wuj Richin Bix Chire ri Dios 119:105

Ri ach'abel rat Jehová kan achi'el jun q'aq' ri nusaqirisaj ri nubey; kan jun saqil akuchi yibiyin-wi.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

2 Timoteo 1:8

Man kak'ix naq'alajirisaj ri ruch'abel ri qajaw, ni man kak'ix woma yin, ri in k'o pa cárcel roma rija'. Paruk'exel ri' rik'in ri uchuq'a' ri nuya' ri Dios chawe, man tapoqonaj nak'owisaj tijoj-poqonal roma natzijoj ri utzilej ch'abel richin kolotajik.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

Wuj Richin Bix Chire ri Dios 119:111

Yin kan nubanon chire ri apixa' chi jari' ri wichinan kan richin q'asen, roma kan nuya' kikoten pa wánima.

Wuj Richin ri Josúe 1:8

Man jun bey k'a katane' chubixik ri pixa' kichin konojel winaqi' ri tz'ibatel kan chupan re wuj re', xa kan chi paq'ij, chi chi'aq'a' taquqa-rij richin nayek pan awánima ri tz'ibatel kan chupan ri wuj, y keri' kan utz k'a xkabe chupan ri abey y ronojel k'a ri xtaben kan utz k'a xtel chawech.

Hechos 10:43

Kan ojer k'a ri bitajineq kan koma ri xeq'alajirisan ri ruch'abel ri Dios, chi qonojel k'a ri xqakuquba' qak'u'x rik'in ri Jesucristo, xtikuyutej qamak pa rubi' rija', xcha'.

Wuj Richin Bix Chire ri Dios 119:72

Kan más k'a jebel ri pixa', ri kan ja rat at biyon, ke chuwech pa ruk'iyal q'anapueq y saqipueq.

Wuj Richin Bix Chire ri Dios 18:30

Ri Jehová kan choj-wi ri rubey, y ri rupixabanik kan janila ch'ajch'oj achi'el ri q'anapueq ri ya'erisan pa q'aq'. Rija' kan yeruto' k'a konojel ri nikikuquba' kik'u'x rik'in.

Wuj Richin ri Achin Job 23:12

Kan man jun bey k'a ri nujech'en ta el wi' chire ri pixa' ri rubin, kan nubeyomel k'a nubanon chire ri ch'abel ri e eleneq-pe pa ruchi', más ke chuwech ri nuway.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Wuj Richin Bix Chire ri Dios 119:24

Yin kan jantape' yikikot rik'in ri ach'abel ri aya'on kan, roma nubanon chire chi kan jari' ri nupixabanel.

Wuj Richin Bix Chire ri Dios 119:14

Janila yikikot roma ninnimaj ri apixa', roma k'o más rejqalen chuwech jun beyomel.

San Juan 5:39

Rix kan nisik'ij k'a jebel rupan ri ruch'abel ri Dios ri tz'ibatel kan, roma kan nich'ob chi chupan ri' niwil-wi k'aslen ri man k'isel ta. Y chupan ri ruch'abel ri Dios kan ja yin ri yiruq'alajirisaj.

Wuj Richin ri Isaías 8:16

K'ari' yin Isaías xinbij: Kan tiboto' jebel ri wuj akuchi tz'ibatel-wi ri ruchojmilal. Kan tixima' jebel ri rupixa' ri Dios rix nutijoxela'.

Wuj Richin Bix Chire ri Dios 119:152

Kan ojer yan k'a ri' wetaman-pe ri apixa', ri pixa' ri aya'on kan rat, kan richin jantape'.

Wuj Richin Bix Chire ri Dios 119:9

¿Achi'el ta k'a toq nitikir jun ala' richin nuk'uaj jun k'aslen ch'ajch'oj? ¡Kan rik'in k'a chi nuyek pa ránima ri ach'abel rat!

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.