Wuj Richin Bix Chire ri Dios 19:13 - Kaqchiquel Bible

¹³ Tabana' utzil tachajij ri asamajel chuwech ri nimirisanen, man ta jun chire re' ri xtik'oje' ta chupan ri nuk'aslen; richin keri' xkinok tz'aqet y ch'ajch'oj chire ri mak.

Wuj Richin Bix Chire ri Dios 19:13 ပူးပေါင်းရင်းမြစ်များ

Wuj Richin Bix Chire ri Dios 119:133

Tabana' chuwe chi xkibiyin ta achi'el nubij ri ach'abel, y man taya' q'ij chi ri etzelal nich'akon chuwij.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

1 Sam 25:39

Y toq ri David xrak'axaj chi ri Nabal xken yan, rija' xubij: Nim ruwa-ruq'ij ri Jehová roma kan ja rija' xq'aton-tzij pa ruwi' ri Nabal, y xuya' rutojbalil pa ruwi' roma xuqasaj nuq'ij. Chuqa' ri Jehová kan xiruq'et chi yin man xinben ta ri itzel chire ri Nabal, y xa kan pa ruwi' k'a rija' xqaqa-wi ri rumak, xcha'. K'ari' ri David xeruteq-el rusamajela' rik'in ri Abigail richin yech'on rik'in.

Wuj Richin Bix Chire ri Dios 7:10

Ri nutobal yin, kan ja ri Dios, ri Dios ri nikolon kichin ri choj yebiyin.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin ri Rutikeribel 20:6

Y ri Dios xch'on k'a rik'in ri Abimélec pa jun chik rachik' y xubij chire: Yin chuqa' wetaman chi rat xaben rik'in ruch'ajch'ojil ri awánima. Roma ri' man xinya' ta q'ij richin xamakun ta chinuwech yin.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

Wuj Richin Bix Chire ri Dios 18:23

Yin kan choj k'a in biyineq chuwech rija', y kan nuch'aron k'a wi' rik'in ronojel ruwech etzelal.

Wuj Richin Bix Chire ri Dios 11:7

Ri Jehová kan choj y niqa' chuwech ri ruchojmilal; roma ri' ri choj kik'aslen kan xtikitz'et ruwech rija'.

Ex 21:14

Wi k'o jun wineq nukamisaj jun rachpochel roma keri' xpe pa ránima roma kan janila royowal chirij y k'ari' niberewaj-ri' chirij ri nuporobal, kan tibewelesaj-pe ri chiri' y tikamisaj.

Wuj Richin ri Chojmirisabelri'il 4:2

tubij chike ri ruwinaq chi wi k'o ta jun wineq ri nuq'ej ruwi' ri pixa' richin jantape' y man ruch'obon ta richin keri' nuben; kan kere' k'a ri xtuben:

Wuj Richin ri Chojmirisabelri'il 4:13

Jak'a wi konojel ri winaqi' israelita xkiq'ej ruwi' ri nupixa' y man xkinabej ta chi man utz ta ri xkiben, re' kan xemakun k'a chinuwech.

Wuj Richin ri Chojmirisabelri'il 4:22

Wi k'o jun aj-raqen nuq'ej ruwi' jun chike ri nupixa', y man xunabej ta chi man utz ta ri xuben,

Wuj Richin ri Chojmirisabelri'il 4:27

Wi k'o jun chike ri winaqi' nuq'ej ruwi' jun chike ri nupixa', y man xunabej ta chi man utz ta ri xuben,

Wuj Richin ri Achin Job 34:32

Kan taq'alajirisaj k'a chinuwech ri numak, ri xa man ninna' ta chi nubanon, y wi k'o itzel taq banobel ri e nubanon, kan man xtinben ta chik, at chayineq.