Wuj Richin Bix Chire ri Dios 19:10 - Kaqchiquel Bible

¹⁰ Ronojel re' kan janila e rayixel achi'el ri q'anapueq, kan más chuwech ri q'anapueq, ri e ya'erisan pa q'aq'. Kan más k'a ruki'il ke chuwech ri ruya'al kab ri nikiya' ri taq chikopi', ri nibiyin-pe chupan ri ruk'ojelibal.

Wuj Richin Bix Chire ri Dios 19:10 ပူးပေါင်းရင်းမြစ်များ

Wuj Richin Bix Chire ri Dios 119:103

Ri ach'abel rat Jehová, kan janila kikoten nuya' chuwe. Kan más k'a ruki'il chuwech ri kab ri nikiya' taq chikopi'.

Wuj Richin Bix Chire ri Dios 119:72

Kan más k'a jebel ri pixa', ri kan ja rat at biyon, ke chuwech pa ruk'iyal q'anapueq y saqipueq.

Wuj Richin Bix Chire ri Dios 119:127

Yin kan jantape' wajowan-pe ri apixa'; kan más k'a wajowan chuwech ri q'anapueq ri kan jebel ch'ajch'ojirisan.

Wuj Richin Etamabel-Tzij 16:16

Kan más k'a utz chi ri wineq nril na'oj, ke chuwech nril q'anapueq; y xa más utz chuqa' toq k'o utzilej ch'obonik rik'in, ke chuwech ri k'o ta saqipueq rik'in.

Wuj Richin ri Achin Job 23:12

Kan man jun bey k'a ri nujech'en ta el wi' chire ri pixa' ri rubin, kan nubeyomel k'a nubanon chire ri ch'abel ri e eleneq-pe pa ruchi', más ke chuwech ri nuway.

Wuj Richin Etamabel-Tzij 8:19

Más k'iy utzil ri nink'en-pe yin ke chuwech ni nuk'en-pe ri q'anapueq y ri abej topacio ri ch'akoj wik'in yin más k'iy ke chuwech ri nuya' ri saqipueq.

Wuj Richin Etamabel-Tzij 24:13

Rat, nuk'ajol yin, kan tatija' k'a ri kab ri kan utz-wi, kan tatija' k'a ri kab ri nikiya' ri taq chikopi', roma kan ki' xtuna-qa ri aqul.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.

Apocalipsis 10:10

Yin kan xink'ul ri ti wuj pa ruq'a' ri ángel, y xintej-qa. Y xinna' na wi pa nuchi' chi kan achi'el ruki'il ri kab, jak'a ri pa nupan kan k'ey-k'ey na wi xuben.