Wuj Richin Bix Chire ri Dios 18:9 - Kaqchiquel Bible

⁹ Xujeq k'a ri kaj, y xqaqa k'a pe, y xpa'e' k'a pa ruwi' ri q'eqel-sutz'.

Wuj Richin Bix Chire ri Dios 18:9 ပူးပေါင်းရင်းမြစ်များ

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Hebreos 12:26

Ri ojer kan toq ri Dios xch'on pa ruwi' ri juyu', ri juyu' ri' xsilon. Jak'a re wakami nubij: Xtapon k'a jun q'ij toq man xaxe ta chik ri ruwach'ulew xtinsiloj, xa kan xtinyikiya' chuqa' ri kaj, xcha'.

San Juan 13:7

Y ri Jesús xubij chire ri Pedro: Re ninch'ej re iwaqen wakami, man jani k'a niq'ax ta chiwech achike roma toq ninben. Jak'a kan xtiq'ax chiwech, juba' chik apo, xcha'.

Marcos 15:33

Toq xnik'ajer q'ij, jari' k'a toq xq'equmer ri ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

2 Sam 22:10

Xujeq k'a ri kaj, y xqaqa k'a pe, y xpa'e' k'a pa ruwi' ri q'equ'm sutz'.

Wuj Richin ri Isaías 51:6

Rix israelita, kan kixtzu'un-el chikaj, chuqa' kan kixtzu'un-qa chuwech re ruwach'ulew. Roma ri kaj xa kan xtik'is achi'el ri sib; y ri ruwach'ulew xa kan xtitziaqir, achi'el nitziaqir jun tzieq. Y ri winaqi' ri ek'o chuwech, xa kan xkeken achi'el ri taq us. Jak'a ri nukolotajik kan xtik'oje' richin q'asen, y ri ruchojmilal kan man xtik'is ta.

Wuj Richin Bix Chire ri Dios 68:4

Roma ri' kan tibixaj k'a rubi' ri Dios, kan tiya' k'a bix chire; tinimirisaj k'a rubi' ri nibiyaj pa ruwi' ri sutz'. Jehová jari' ri rubi'. ¡Kan kixkikot k'a chuwech rija'!

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Wuj Richin Bix Chire ri Dios 97:3

Ri chuwech rija' kan ninabeyej k'a jun q'aq'. Ri q'aq' ri' kan yeruk'is k'a ri e etzelanel richin ri ek'o chunaqaj.

Wuj Richin ri Isaías 66:15

Roma xkinapon pa runik'ajal jun surkum, rik'in nu-carruaje ri banon rik'in q'aq' richin ninwelesaj woyowal. Y xtinya' rutojbalil-mak pa kiwi' ri e etzelanel wichin.