Wuj Richin Bix Chire ri Dios 18:8 - Kaqchiquel Bible

⁸ Roma ri royowal, ri pa rutza'n kan xel k'a pe sib; ri pa ruchi' kan xel-pe q'aq' ri kan nuk'is ronojel; kan xk'a'on k'a ri racheq-q'aq'.

Wuj Richin Bix Chire ri Dios 18:8 ပူးပေါင်းရင်းမြစ်များ

Wuj Richin Bix Chire ri Dios 21:9

Toq xkape rat, rik'in ri awoyowal xke'aya' pa q'aq' ri man ye'ajowan ta awichin. Rik'in ri q'aq' ri', kan xke'ak'is k'a roma awoyowal.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Dn 7:10

Y chiri' kan nel-pe q'aq', kan achi'el k'a jun raqen-ya' ri nibusku'l. Kan pa taq 1,000 k'a ri yesamajin richin; kan man e ajlatel ta k'a ri ek'o-apo chunaqaj. Ri Dios ri tz'uyul chupan ri tz'uyubel xuchop k'a nuq'et-tzij, y xejaq k'a ri wuj ri ek'o chuwech.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Chojmirisabelri'il 10:2

Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.

Wuj Richin ri Rutikeribel 19:28

Jari' toq xerutz'et-qa ri Sodoma y ri Gomorra y xutz'et chi chijun ri pa taq'aj-qa, nibuqulin sib achi'el nibuqulin jun nimalej horno.

Apocalipsis 11:5

Y wi k'o jun wineq ri k'o jun etzelal ri nrajo' nuben chike, rije' nel q'aq' pa kichi' richin nikik'is ri etzelanel kichin.

Wuj Richin Bix Chire ri Dios 104:32

Rija' xaxe nutzu' ri ruwach'ulew y ri ruwach'ulew kan nik'ark'ot. Xaxe nuneq juba' kiwi' ri juyu' y ri juyu' ri' kan yebuqulin-pe sib chupan.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Wuj Richin ri Achin Job 41:19

Ri pa ruchi' kan q'aq' ri niq'alajin chi nel-pe, chuqa' kan niq'alajin chi jun koyopa' ri nel-pe ri pa ruchi'.

Wuj Richin ri Isaías 24:18

Y ri xtanimej roma xibinri'il xa kan xtitzaq chupan ri jul. Y ri xtikolotej kan chupan ri jul xa kan xtuya-ri' chupan ri pajk'ibel. Ri ruchi' ri kaj kan xkejaqatej richin xtipe jun nimalej job, y ri ruxe' ri ruwach'ulew kan xkesilon.