Wuj Richin Bix Chire ri Dios 18:7 - Kaqchiquel Bible

⁷ K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Richin Bix Chire ri Dios 18:7 ပူးပေါင်းရင်းမြစ်များ

Hechos 4:31

Toq xetane' chire ri ch'owen rik'in ri Dios, ri akuchi kimolon-wi-ki' xsilon janila. Y jari' toq nojineq chik k'a ri kánima rik'in ri Loq'olej Espíritu. Roma ri' xkichop rutzijoxik ruch'abel ri Dios, jak'a man jun xibinri'il chikiwech.

San Mateo 28:2

Jari' toq xuben jun nimalej silonel roma jun ángel richin ri Dios ri peteneq chila' chikaj, xqaqa-pe y xusiloj ri abej, ri tz'apebel ruchi' ri jul.

Wuj Richin ri Jeremías 4:24

Toq xintz'et ri nima'q taq juyu', rije' kan yebaybot y konojel ri ch'uti'n ruwi' taq juyu' kan yek'ark'ot.

Wuj Kichin ri To'onela' 5:4

Toq rat Jehová xaya' kan ri juyu' Seir, toq xatel-pe pa ruwach'ulew Edom; kan jari' toq chijun k'a ri ruwach'ulew xsilon, y ri kaj xuya-pe job, y ri sutz' xeruya-pe ya'.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

Wuj Richin ri Zacarías 14:4

Xtipe y xtipa'e' pa ruwi' ri juyu' Olivo, ri k'o pa relebel-q'ij chire ri Jerusalem. Y ri juyu' ri' xtich'aratej; ri nik'aj chire ri juyu' nibe pa xaman y ri nik'aj chik pa xokon, y chukojol ri' xtuben k'a jun nimalej taq'aj, nitiker-el rik'in ri Jerusalem, y napon k'a pa relebel-q'ij.

Wuj Richin ri Habacuc 3:10

Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

Wuj Richin ri Habacuc 3:6

Toq ri Jehová nipa'e-qa juba', ri ruwach'ulew kan nisilon. Xaxe nutzu', kan nuben chike ri winaqi' chi yek'ark'ot. Ri ojer taq juyu' kan yek'is chuwech rija'. Ri ojer taq ruwi' juyu' xa kan yewuluwu' k'a qa. Jak'a ri bey richin ri Jehová, ri' kan richin q'asen.

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

Wuj Richin Bix Chire ri Dios 34:16

Ri Jehová kan nuteq k'a pe ri royowal pa kiwi' ri man utz ta nikiben. Rija' xtuben chi konojel winaqi' xkekimestaj re winaqi' re'.

Wuj Richin Bix Chire ri Dios 34:18

Ri Jehová kan naqaj k'o chike ri niq'axon kánima richin nrelesaj ri q'axo'n ri'. Chuqa' kan yeruto' ri man jun chik oyobenri'il k'o kik'in.

Wuj Richin Bix Chire ri Dios 39:13

Tabana' utzil kinaya' kan nuyon, richin nikikot juba' ri wánima, rokik man jani yiken.

Wuj Richin Bix Chire ri Dios 40:2

Jari' k'a toq xirelesaj chupan ri jul richin ri q'axo'n. Xirukol chupan ri puq'upik ch'abeq. Xiruya' pa ruwi' jun abej richin chi chiri' man jun nink'uluwachij, y xuya' k'a el wuchuq'a'.