Wuj Richin Bix Chire ri Dios 18:30 - Kaqchiquel Bible

³⁰ Ri Jehová kan choj-wi ri rubey, y ri rupixabanik kan janila ch'ajch'oj achi'el ri q'anapueq ri ya'erisan pa q'aq'. Rija' kan yeruto' k'a konojel ri nikikuquba' kik'u'x rik'in.

Wuj Richin Bix Chire ri Dios 18:30 ပူးပေါင်းရင်းမြစ်များ

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Wuj Richin Etamabel-Tzij 30:5

Chikijujunal ri rutzij ri Dios kan e ch'ajch'oj e ch'ajch'oj; y rija' kan achi'el k'a jun tobel, ri akuchi utz nikito-ki' ri winaqi', ri kan nikikuquba' kik'u'x rik'in.

2 Sam 22:31

Ri Jehová kan choj-wi ri rubey, y ri rupixabanik kan janila ch'ajch'oj achi'el ri q'anapueq ri ya'erisan pa q'aq'. Rija' kan yojruto' k'a qonojel roj ri niqakuquba' qak'u'x rik'in.

Wuj Richin Bix Chire ri Dios 12:6

Ri ruch'abel ri Jehová kan qitzij y ch'ajch'oj, kan achi'el ri saqipueq toq niq'axex wuqu' mul pa q'aq' richin nich'ajch'ojir.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin Bix Chire ri Dios 119:140

Ri ach'abel kan janila chi tejtobenik ruq'axan, roma ri' yin ri in asamajel kan janila ninwajo'.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Wuj Richin Bix Chire ri Dios 17:7

Tak'utu' k'a ri nimalej ajoyowanik. Tak'utu' chi rat kan ye'akol-wi ri nikito-ki' awik'in, kan ye'akol chuwech ri e etzelanel kichin.