Wuj Richin Bix Chire ri Dios 18:17 - Kaqchiquel Bible

¹⁷ Xirukol pa ruq'a' ri más nim etzelanel wichin, stape' rije' kan más e k'iy y kan más kuchuq'a' chinuwech yin.

Wuj Richin Bix Chire ri Dios 18:17 ပူးပေါင်းရင်းမြစ်များ

Wuj Richin Bix Chire ri Dios 142:6

Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.

Wuj Richin ri Achin Job 16:9

Ri Dios roma ri royowal, chi wech' chi wech' yiruk'is-el. Kan achi'el nuqach'ach'ej rey chuwij; y kan ruch'ikon ri runaq'-ruwech chuwij, achi'el jun etzelanel wichin.

Wuj Richin Bix Chire ri Dios 38:19

Ri e etzelanel wichin kan e janila e k'iy, y kan janila k'a kuchuq'a'. Kan janila k'a e k'iy ri ye'etzelan wichin, y xa man jun nubanon chike.

Wuj Richin Bix Chire ri Dios 118:7

Ri Jehová kan k'o wik'in yin, ja rija' ri nito'on wichin. Yin kan xkentz'et k'a ri e etzelanel wichin toq xketzaq.

Wuj Richin Bix Chire ri Dios 25:19

Ri e etzelanel wichin kan janila k'a yek'iyer. Kan nikajo' yinkikamisaj, roma kan janila in ketzelan.

Wuj Richin Bix Chire ri Dios 9:13

Tabana' utzil Jehová tajoyowaj nuwech yin; tatzu' re q'axo'n re nink'owisaj koma ri ye'etzelan wichin, kan kinakolo' k'a chuwech ri kamik,

2 Sam 22:18

Xirukol pa ruq'a' ri más nim etzelanel wichin, stape' rije' kan más e k'iy y kan ik'owineq chik ruwi' kuchuq'a' chinuwech yin.

2 Sam 22:1

Toq ri David xkolotej yan roma ri Jehová pa kiq'a' ri etzelanel richin, y pa ruq'a' ri Saúl, jari' toq xuben re jun bix re' chire ri Jehová:

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

Wuj Richin Bix Chire ri Dios 138:7

Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

Wuj Richin Bix Chire ri Dios 144:7

Kan k'a chila' chikaj tayaka' ri aq'a' pa nuwi'; kinakolo', y kinawelesaj chupan re jun achi'el palou re'. Kinawelesaj chikiwech ri man e nuwinaq ta.