Wuj Richin Bix Chire ri Dios 18:13 - Kaqchiquel Bible

¹³ Ri nimalej Jehová xch'on k'a pe chupan ri sutz' ri'. kan janila kow xch'on achi'el niq'ajan ri koqolajay.

Wuj Richin Bix Chire ri Dios 18:13 ပူးပေါင်းရင်းမြစ်များ

Wuj Richin Bix Chire ri Dios 104:7

Jak'a toq rat xach'on kik'in, kan chi'anin xech'aratej. Xaxe xkak'axaj ri ach'abel ri kan achi'el koqolajay, chi'anin xebe pa taq kik'ojelibal.

1 Sam 7:10

Rokik ri Samuel nusuj ri kamelabel, jari' toq ri aj-Filistea xe'apon richin chi nibekibana' labal. Jak'a ri Jehová xuya' jun nimalej koqolajay pa kiwi' ri aj-Filistea y kan janila k'a xkixibij-ki'. Chupan k'a ri q'ij ri' ri aj-Filistea, xech'akatej pa kiq'a' ri aj-Israel.

Wuj Richin Bix Chire ri Dios 140:10

Xtiqaqa ta k'a pa kiwi' rije' ri racheq-q'aq'; kan xkeya'ox ta k'a pa q'aq'. Xkek'aq ta k'a chupan jul ri nej qajineq rupan ri akuchi man jun bey xketikir xke-el-pe.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.

Apocalipsis 8:5

Chirij ri' ri ángel xberuk'ama-pe ri porobel-pom y xunojisaj chi racheq-q'aq' ri k'o pa ruwi' ri porobel, k'ari' xuk'eq ri q'aq' ri pa ruwi' ri ruwach'ulew. Y jari' toq xepe koqolajay, koyopa' y silonel.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.

San Juan 12:29

E janila k'a chike ri winaqi' ri ek'o chiri' ri xebin chi xa jun koqolajay. Jak'a ri ch'aqa' chik nikibij: Jun ángel ri xch'on-pe rik'in, yecha'.

Wuj Richin ri Habacuc 3:5

Chuwech rija' ik'owineq-pe nimalej taq yabil Y toq rija' niq'ax, yerukamisaj kan ri winaqi'.

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Wuj Richin Bix Chire ri Dios 78:48

Ronojel ri kawej xerujech pa ruq'a' ri saqboch, kan xerujech k'a chuqa' pa ruq'a' ri koyopa'.

Wuj Richin ri Achin Job 40:9

¿Kan nawajo' nak'ut chi ri aq'a' rat kan k'o-wi ruchuq'a' achi'el ruchuq'a' ri nuq'a' yin? ¿Kan nawajo' nak'ut chi ri ach'abel rat kan niwajin achi'el niwajin ri nuch'abel yin?

Deut 32:24

Xtinya-pe jun nimalej wayjal pan iwi', ri kan xtik'is-xtik'is ri ich'akul pa ruq'a'. Y kan ja ri' peteneq jalajoj ruwech yabil. Chuqa' xtinben chi xkeyakatej-pe k'uxunela' taq chikopi' chiwij, y ronojel kiwech kumatzi'.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Ex 9:24

Ri ruq'aq'al ri koyopa' y ri saqboch xqaqa k'a pa ruwi' chijun Egipto y ri saqboch kan janila k'a kalal. Ri chiri' kan man jun bey k'a qajineq ta saqboch achi'el re', jampe' ek'o-pe winaqi'.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.