Wuj Richin Bix Chire ri Dios 18:1 - Kaqchiquel Bible

¹ Jehová, yin kan janila yatinwajo', roma kan ja rat yaya'on wuchuq'a'.

Wuj Richin Bix Chire ri Dios 18:1 ပူးပေါင်းရင်းမြစ်များ

Colosenses 1:11

Niqajo' k'a chi ri Dios rik'in ri nimalej ruchuq'a' xtuben chiwe richin nik'oje' iwuchuq'a' richin nikoch' ronojel rik'in kikoten.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

Filipenses 4:13

Kan ja ri Cristo niya'on wuchuq'a' richin yitikir ninq'axaj ronojel.

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

Wuj Richin Bix Chire ri Dios 118:14

Yin ninbixaj rubi' ri Jehová, roma nuya' wuchuq'a'. Ja rija' ri xkolon wichin.

Wuj Richin Bix Chire ri Dios 116:16

Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Wuj Richin Bix Chire ri Dios 36:1

Ri etzelal kan nich'on k'a pa kánima ri e banoy etzelal. Rije' kan man jun bey nikiquqa' chi nikixibij ta ki' chuwech ri Dios.

Wuj Richin Bix Chire ri Dios 18:32

Ja rija' ri niya'on ronojel wuchuq'a'. Kan nuk'ut k'a chinuwech ri chojilej bey.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

Hebreos 3:5

Ri Moisés jun utzilej rusamajel ri Dios, ri man xerumalij ta kan ri e ruwinaq ri Dios. Rija' xeruq'alajirisaj yan k'a ri man jani kerubij ri Dios ri xkebebanatej-apo.