Wuj Richin Bix Chire ri Dios 17:8 - Kaqchiquel Bible

⁸ Kinachajij k'a achi'el nachajij ri runaq' taq awech; kinakuchu' chuxe' ri amujal rat.

Wuj Richin Bix Chire ri Dios 17:8 ပူးပေါင်းရင်းမြစ်များ

Deut 32:10

Ri Jehová pa tz'iran ruwach'ulew xeruk'en-pe ri qate-qatata', chiri' akuchi nijumin-wi kaq'iq'. Xeruchajij y kan jebel xerutijoj, y kan xerupoqonaj achi'el nupoqonaj-ri' rija'.

Wuj Richin Bix Chire ri Dios 91:4

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin Etamabel-Tzij 7:2

Kan tibana' wi k'a ri ninbij yin y re' xtuben chiwe chi xtik'oje' ik'aslen, kan tiloq'oq'ej k'a ri tijonik ri nuya'on chiwe, achi'el niloq'oq'ej ri runaq' taq iwech.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

Wuj Richin ri Zacarías 2:8

Ri Jehová k'iytisanel richin ronojel in rutaqon-pe richin ninbij chike ri tinamit ri xe'eleq' chupan ri tinamit Sión y xubij: Xabachike k'a xtinaqo ri tinamit Sión, kan achi'el xa ta chuwe yin nuben-wi.

Wuj Richin Bix Chire ri Dios 36:7

Kan janila k'a jebel ri awajowabal rat, ri man k'isel ta. Roma ri' konojel nikito-ki' chuxe' ri amujal rat.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

Wuj Richin Bix Chire ri Dios 61:4

Yin ninrayibej chi yik'oje' ta chupan ri awachoch jantape'. Kan kuqul k'a nuk'u'x xkik'oje' chuxe' ri awutzil.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Wuj Richin Bix Chire ri Dios 63:7

Roma kan ja rat yato'on wichin, roma ri' kan xkik'oje' rik'in kikoten chuxe' ri aq'a' rat.

Wuj Richin Bix Chire ri Dios 16:1

Nu-Dios yin, tabana' utzil kinachajij, roma kan nukuquban nuk'u'x awik'in.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

Wuj Richin Bix Chire ri Dios 57:2

Xkich'on k'a awik'in rat nimalej Dios, ja rat ri yabanon utzil chuwe richin jantape'.

Wuj Richin Bix Chire ri Dios 61:5

Roma rat nu-Dios, kan awak'axan ri nusujun chawe yin. Y xaya' chuwe ri ruk'amon richin nikichinaj ri kiqasan-ki' chawech.