Wuj Richin Bix Chire ri Dios 17:4 - Kaqchiquel Bible

⁴ Yin man xtinben ta achi'el ri nikiben ri ch'aqa' chik winaqi', ri nubanobal kan achi'el k'a ri nubij ri ach'abel, kan nuch'aron k'a wi' chire ri kibey ri e banoy taq etzelal.

Wuj Richin Bix Chire ri Dios 17:4 ပူးပေါင်းရင်းမြစ်များ

Wuj Richin ri Rutikeribel 6:11

Jak'a ri winaqi' chuwech re ruwach'ulew kan yojtajineq chik k'a ri kibanobal, kan e jaqatajineq k'a ri winaqi' e banoy ch'a'oj.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Achin Job 15:16

¡K'atala', chik jun achin ri kan man jun narayij chire ri ruk'aslen y chuwirineq chupan, ri kan jebel nuna' nuben ri itzel taq banobel, achi'el xa ta nuqum ruya'!

Wuj Richin ri Achin Job 31:33

Yin kan man jun bey nubanon ta chi wewan numak, achi'el nikiben ch'aqa' chik achi'a', chi wewan ta pa wánima ri itzel taq nubanobal.

San Mateo 4:10

Jari' toq ri Jesús xubij chire: Kabiyin kela' rat, Itzel-Wineq. Roma chupan ri ruch'abel ri Dios nubij:*f12* Kan tiya' k'a ruq'ij ri Jehová ri qa-Dios y kan tisamajij xaxe rija', nicha', xcha' ri Jesús chire.

San Mateo 4:4

Jak'a ri Jesús xubij chire ri Itzel-Wineq: Tz'ibatel kan chupan ri ruch'abel ri Dios, chi man xaxe ta rik'in wey yojk'ase-wi, xa kan rik'in chuqa' ri ruch'abel ri Dios, xcha'.*f9*

San Mateo 4:7

Jak'a ri Jesús xubij: Kan tz'ibatel kan chuqa',*f11* chi man ruk'amon ta chi niqatejtobej ri Jehová ri qa-Dios, xcha'.

San Juan 17:17

Ri ach'abel jari' ri qitzij. Roma ri' rik'in ri ch'abel ri', kan ke'ach'ara' richin xaxe ye'ok awichin rat.

1 Corintios 3:3

Rix xa kan k'a ja na ri irayibel rix ri uk'uayon iwichin, kan nich'upu ik'u'x chirij jun chik wineq ri utz k'o, k'o oyowalen chi'ikojol y xa ich'aralon-iwi'. ¿Man kami niq'alajin ta rik'in ri ibanobal ri' chi xa ja ri irayibel ri uk'uayon iwichin? Ri ik'aslen xa kan junan rik'in ri kik'aslen ri winaqi' ri maneq ri Loq'olej Espíritu kik'in.

Efesios 6:17

Kan tikusaj k'a ri ikolotajik achi'el jun rutobal ijolon. Y ri ruch'abel ri Dios, tibana' chire chi achi'el jun espada, ri xya'ox chiwe roma ri Loq'olej Espíritu.*f8*

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

Apocalipsis 12:11

Y ri qach'alal ri' xech'akon yan chirij ri Itzel-Wineq, roma ri rukik'el ri Karne'l, roma rije' kan man xek'ix ta xkiq'alajirisaj-ki' chi kiniman ri Cristo. Man xkixibij ta ki' stape' xe'apon pa kamik.

Apocalipsis 9:11

Ri aj-raqen pa kiwi' ri sak' ri' ja ri ángel ri rajawal ri itzel siwan ri q'equ'm rupan. Rija' rubini'an Abadón pa ch'abel hebreo y pa griego nibix Apolión chire, re' nel tzij Wululen.

1 Sam 26:11

Jak'a ri Jehová xkiruto' richin man ta xtinjeluj nuq'a' chirij ri cha'on roma Rija'. Wakami k'a, tak'uaj-el la rukum ri k'o chunaqaj la ruch'akat-ruwi' y la ruk'ojelibal-ruya', y jo', xcha'.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.