Wuj Richin Bix Chire ri Dios 17:3 - Kaqchiquel Bible

³ Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.

Wuj Richin Bix Chire ri Dios 17:3 ပူးပေါင်းရင်းမြစ်များ

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

Wuj Richin ri Achin Job 23:10

Jak'a rija' kan retaman achike bey ri nuchapon-el, y toq yiruya' pa tejtobenik, kan yinok k'a achi'el ri q'anapueq toq nich'ich'an.

Wuj Richin ri Achin Job 24:14

Jun kamisanel kan k'a nimoymot na toq kan ja yan ri' niyakatej-el, richin nukamisaj ri man jun k'o rik'in, y ri chaq'a', ja ri eleq' ri nuben.

Wuj Richin Bix Chire ri Dios 11:5

Ri Jehová kan yerutejtobej k'a ri choj kik'aslen, jak'a ri aj-maki' y ri niqa' chikiwech yekamisan, kan yerixowaj.

Wuj Richin Bix Chire ri Dios 119:106

Xinya' nutzij y xinjikiba', chi kan jantape' xtintaqej ri apixa' ri kan choj-wi.

Wuj Richin Bix Chire ri Dios 139:1

Nimalej Jehová, rat kan in atz'eton jebel y awetaman nuwech.

Wuj Richin Bix Chire ri Dios 139:23

Nimalej Dios, tanik'oj k'a ri nuk'aslen y tatz'eta' ri wánima; kinatejtobej y tatz'eta' ri nuch'obonik;

Wuj Richin Bix Chire ri Dios 16:7

Xtinya' ruq'ij ri Jehová, roma yirupixabaj, stape' ri chi'aq'a' nuben chuwe chi ninch'ob rij ri nuk'aslen.

Wuj Richin Bix Chire ri Dios 26:2

Jehová, kinatejtobej y tanik'oj ri wánima. Tatz'eta' ri nuch'obonik y ronojel ri k'o pa wánima,

Wuj Richin Bix Chire ri Dios 39:1

Yin kan nubin k'a chi xtinchajij ri nubanobal, y man xkimakun ta rik'in ri waq'. Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.

Wuj Richin Bix Chire ri Dios 66:10

Qa-Dios roj, ronojel re' xaben richin xojatejtobej; xojach'ajch'ojirisaj achi'el toq nijosq'ix ri saqipueq.

Wuj Richin Bix Chire ri Dios 7:4

wi ta xinya' rutojbalil chire ri xa man jun rubanon chuwe, wi ta yin kan k'o xinmej chuwi-ruq'a' ri etzelanel wichin, toq man ojk'o ta pan oyowal.

Wuj Richin Etamabel-Tzij 13:3

Ri wineq kan nuchajij k'a ri ruk'aslen, rik'in nuchajij ri ruchi'; jak'a ri bilon man bilon ri yerubila', ja rija' k'a nikanon ri nipe chirij.

Wuj Richin ri Jeremías 12:3

Jak'a yin, kan awetaman nuwech y chuqa' awetaman chi yin kan nukuquban nuk'u'x awik'in. Roma ri' ke'ak'uaj k'a re winaqi' re' achi'el toq ye'uk'uex-el ri taq karne'l richin yebekamisex. Kan ke'ach'ara' k'a kan richin yekamisex chupan ri q'ij richin ri aq'atbel-tzij.

Wuj Richin ri Jeremías 50:20

Yin Jehová ri yibin. Y chupan ri q'ij ri', wi jun wineq nukanoj richin nubij ri imak, man xtril ta, roma yin xkenkuy ri juba' ri xekanej kan.

Os 7:6

Ri kánima rije' kan nik'a'on k'a richin nikiben etzelal chire ri rey, kan junan rik'in jun horno ri niya'ox ruq'aq'al. Ri koyowal rije' kan chijun aq'a' nik'a'on y toq niseqer-pe, ri koyowal xa kan achi'el xa ta ruxaq q'aq' nuben-el.

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Wuj Richin ri Malaquías 3:2

Ri q'ij toq xtipe ri Jehová, kan xtuben achi'el ri q'aq' ri nujosq'ij ri ch'ich' y achi'el chuqa' nich'ajch'ojirisan ri xabon. Ri q'ij ri' kan man jun xtitikir xtikoch'o.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Hechos 16:9

chupan ri aq'a' ri' ri Pablo xutz'et k'a pa jun achik', chi k'o jun achin aj pa ruwach'ulew Macedonia ri pa'el-apo chuwech. Y ri achin ri' nubij k'a chire: Tabana' utzil, kaq'ax qik'in pa Macedonia, y qojato', xcha' chire.

1 Corintios 4:4

Yin ninna' chi kan jebel nubanon chire ri samaj. Jak'a man roma ta ri' yitikir ninbij chi ronojel ri nubanon, kan utz. K'a ja ri Cristo ri xtitz'eton ri nusamaj, y xtubij wi utz xinben chire ó xa man utz ta.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

1 Sam 24:10

Re q'ij re', rat kan xatz'et chi ri Jehová kan xarujech pa nuq'a' chiri' pa jul; y ri wachibil xkibij chuwe richin xatinkamisaj ta. Jak'a yin xinkuy amak, y man xinben ta, roma xinch'ob chi rat kan at cha'on roma ri Jehová, y roma ri' man xinjeluj ta nuq'a' chawij.

1 Sam 24:12

Wakami k'a kan ja ta k'a ri Jehová xtiq'aton-tzij chiqakojol roj oj ka'i'. Ja ta k'a ri Jehová xtiya'on ruk'exel chawe. Jak'a yin kan man xtinjeluj ta ri nuq'a' chawij.

1 Sam 26:11

Jak'a ri Jehová xkiruto' richin man ta xtinjeluj nuq'a' chirij ri cha'on roma Rija'. Wakami k'a, tak'uaj-el la rukum ri k'o chunaqaj la ruch'akat-ruwi' y la ruk'ojelibal-ruya', y jo', xcha'.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.