Wuj Richin Bix Chire ri Dios 17:14 - Kaqchiquel Bible

¹⁴ Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.

Wuj Richin Bix Chire ri Dios 17:14 ပူးပေါင်းရင်းမြစ်များ

Wuj Richin ri Achin Job 22:18

Keri' nikibij, stape' kan ja rija' ri xnojisan ri kachoch, rik'in ri nik'atzin chike, y roma ri' yin kan man ninwajo' ta ninchop yich'obon achi'el ri itzel taq winaqi' ri'.

San Juan 17:14

Rije' kan nuya'on-wi k'a ri ach'abel chike. Jak'a ri winaqi' ri k'a kikuquban na kik'u'x rik'in re ruwach'ulew xeketzelaj, roma rije' man e richin ta chik re ruwach'ulew, achi'el yin man in richin ta re ruwach'ulew.

San Juan 15:19

Wi rix ix junan ta kik'in ri winaqi' ri k'a kikuquban na kik'u'x rik'in re ruwach'ulew, yixkajo' ta. Jak'a wakami yixketzelaj, roma xixincha' richin man ix richin ta chik re ruwach'ulew.

San Juan 8:23

Jak'a ri Jesús xubij: Rix kan ix aj wawe-qa y yin in aj chila' chikaj. Kan ix richin wi re ruwach'ulew y yin man keri' ta.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

Santiago 5:5

Rix beyoma' jebel ik'aslen y beneq iwánima rik'in ri kikoten richin re ruwach'ulew. Jebel iti'ojirisan-iwi' richin ri q'ij richin ri ikamik, achi'el ri wákix.

Wuj Richin Bix Chire ri Dios 73:12

Ri winaqi' ri janila e itzel kan man jun k'a q'axo'n nikiq'axaj, y kan janila k'a chi beyomel nikil.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin ri Achin Job 21:21

Toq jun wineq xa kamineq chik el, man xkeruch'ob ta chik kan ri ralk'ual; kan man jun chik k'a xtuch'ob kan, toq xtiqupix-el ri ruk'aslen chuwech re ruwach'ulew.

Wuj Richin ri Achin Job 12:9

Chike konojel re' ¿k'o kami jun ri man retaman ta chi ja ri Jehová banayon richin?

Wuj Richin ri Achin Job 12:6

Ri kachoch ri eleq'oma' kan beneq pa jotol, y ri nikiyek royowal ri Dios kan jikil ek'o. Rije' kan kibanon k'a chire ri kuchuq'a' y ri kina'oj chi jari' ri e ki-dios.

San Mateo 13:44

Ri Jesús xubij chik: Keri' chuqa' ri aj-chikajil ajawaren janila rejqalen, kan achi'el jun beyomel ri muqul kan pa jun ulew y xilitej roma jun achin. Ri achin ri xilo xaxe xutz'et xumuq chik kan ri beyomel ri' y nikikot ránima xtzolin. Xuchop ruk'ayixik ronojel ri k'o rik'in, y k'ari' xuloq' ri ulew ri akuchi muqul-wi ri beyomel ri kan k'o janila rejqalen.

Wuj Richin Etamabel-Tzij 2:4

wi kan janila nirayij re', achi'el nirayij ruwech ri saqipueq, y kan janila nikanoj achi'el nikanox jun beyomel ri ewan kan,