Wuj Richin Bix Chire ri Dios 17:13 - Kaqchiquel Bible

¹³ ¡Jehová, kayakatej! ¡tapaba-awi' chikiwech! Rik'in ri akamisabal kinakolo' chikiwech ri e banoy taq etzelal.

Wuj Richin Bix Chire ri Dios 17:13 ပူးပေါင်းရင်းမြစ်များ

Wuj Richin Bix Chire ri Dios 44:26

Roma ri' Jehová, kayakatej richin yojato'. Qojakolo' rik'in ri ajoyowanik.

Wuj Richin Bix Chire ri Dios 44:23

Kak'astej, qa-Dios roj, ¿achike roma yawer? Kayakatej k'a, man yojamalij kan richin jantape'.

Wuj Richin Bix Chire ri Dios 7:6

¡Jehová, kayakatej k'a chi nuto'ik! kan rik'in k'a awoyowal, kayakatej chikij ri e etzelanel wichin. Rat kan abin chi kan naya-wi rutojbalil, kan kinato' k'a wakami.

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

Wuj Richin Bix Chire ri Dios 22:20

Takolo' ri wánima chuwech ri kamik. Chuwech ri kuchuq'a' ri itzel taq tz'i', takolo' ri nuk'aslen.

Wuj Richin ri Habacuc 1:12

Chirij re' yin xich'on chik rik'in ri Dios y xinbij: Jehová, rat ri at Dios ri atk'o-pe pa rutikeribel. Nimalej Jehová ja rat ri at Loq'olej nu-Dios yin, y at richin tibe-q'ij tibe-seq. Ja rat Jehová xayako-pe kichin re winaqi' re' chiqij, richin xtikiya' ri rutojbalil-mak pa qawi'. Ja rat nimalej to'onel xabanon kichin re winaqi' re', richin xtikiya' ri tijoj-poqonal pa qawi'.

Wuj Richin ri Isaías 51:9

Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.

Wuj Richin ri Isaías 37:26

Jak'a rat kan man awetaman ta chi yin kan ojer yan ri' ri nuch'obon-pe re kere'. Kan k'o yan chik q'ij ri nuch'obon-pe re', y re wakami jare' xk'achoj; roma kan xe'ak'is konojel tinamit ri jebel tz'apen-kij rik'in tz'aq y kan xewuluwu' kan jumul.

Wuj Richin ri Isaías 13:5

Xkepe chupan ruwach'ulew ri ek'o janila nej. Xkepe k'a chiri' pa ruk'isibel chire ri ruwach'ulew. Ja ri Jehová xtipe rik'in royowal richin nik'is ri ruwach'ulew Babilonia.

Wuj Richin ri Isaías 10:15

Jak'a ri Jehová nubij: ¿Nitikir kami niyakatej-el ruyon ri ikej? ¿Nitikir kami ri qupibel-che' nunimirisaj-ri' roma xuqupij ri che'? ¿Nitikir kami jun ch'ame'y nuyek-q'anej ri ruq'a' ri uk'uayon richin?

Wuj Richin ri Isaías 10:5

Ri Jehová nubij: ¡Toq'ex ruwech ri rey richin ri ruwach'ulew Asiria! Roma rija' xtinqej richin xkeruk'is ri winaqi', toq yakatajineq janila woyowal, kan pa ruq'a' rija' ninya-wi ri woyowal.

Wuj Richin Bix Chire ri Dios 119:126

Jehová, kan ruq'ijul chik richin naya' rutojbalil-mak, roma ri winaqi' xa kan xkiq'ej ruwi' ri apixa'.

Wuj Richin Bix Chire ri Dios 10:12

¡Wakami, kayakatej k'a nimalej Jehová Dios! Tayaka' ri aq'a' y man ke'amestaj ri ek'o pa meba'il.

Wuj Richin Bix Chire ri Dios 94:16

¿Achike k'a xkito'on yin chikiwech ri e banoy etzelal? ¿Achike k'a xtito'on wichin chikiwech ri itzel taq winaqi'?