Wuj Richin Bix Chire ri Dios 16:7 - Kaqchiquel Bible

⁷ Xtinya' ruq'ij ri Jehová, roma yirupixabaj, stape' ri chi'aq'a' nuben chuwe chi ninch'ob rij ri nuk'aslen.

Wuj Richin Bix Chire ri Dios 16:7 ပူးပေါင်းရင်းမြစ်များ

Wuj Richin Bix Chire ri Dios 73:24

Kan in atijon k'a rik'in ri apixabanik. Xeri' kan xkinak'ul chupan ri aruwaq'ijaj.

Wuj Richin ri Isaías 50:4

Ri rusamajel ri Dios nubij chire: Ajaw Jehová, rat aya'on ch'abel wik'in, richin naya' kuqubabel-k'u'x chike ri e kosinaqi'. Ronojel nimaq'a' naben chuwe richin yiyakatej yan, y kan naben chuwe, achi'el ri winaqi' ri k'o na'oj kik'in,

Wuj Richin Bix Chire ri Dios 77:6

Xoqaqa k'a chinuk'u'x ri nubix ri xenbixala' pa taq tokoq'a', ronojel re' kan xinquqa' k'a rij y xink'utuj k'a qa chuwe yin;

Wuj Richin Bix Chire ri Dios 17:3

Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.

Wuj Richin Bix Chire ri Dios 63:6

Ri chi'aq'a' toq ink'o chik pa nuwarabel kan yich'obon k'a awik'in rat. Ri pa taq nik'aj-aq'a', kan ninquqa' k'a rij ri at achike rat.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Wuj Richin ri Isaías 48:17

Ri Jehová nubij: Ja yin ri in ikolonel rix, y kan xaxe yin ri in i-Dios. Ja yin Jehová ri nink'ut chiwech ri más jebel chiwe rix, y yin yik'utu chiwech ri utzilej bey, ri akuchi ruk'amon richin yixbe.

Wuj Richin ri Isaías 26:9

Rik'in ronojel qánima niqarayibej yojch'on awik'in ri chi'aq'a'; chuqa' ri nimaq'a' yan niqajo' chi nijunamatej-qawech awik'in. Toq rat xkaq'aton-tzij pa ruwi' ri ruwach'ulew, k'a jari' toq roj xtiqetamaj chi rat kan pa ruchojmilal-wi ri yaq'aton-tzij.

Wuj Richin Etamabel-Tzij 8:14

Kan pa nuq'a' k'a yin, ri na'oj, k'o-wi ri ch'obonik y ri ruchojmilal, kan pa nuq'a' k'a yin ri etamabel k'o-wi ri uchuq'a'.

Wuj Richin Bix Chire ri Dios 119:55

Ri pa taq tokoq'a' kan noqaqa k'a chinuk'u'x ri abi'. Ri pixa' ri aya'on kan, ninwajo' k'a nintaqej.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

Wuj Richin Bix Chire ri Dios 119:7

Rokik xtiq'ax chinuwech jebel ri jalajoj ruwech apixa', kan xtinnimirisaj k'a aq'ij, roma kan man jun mak wejqalen.

Wuj Richin Bix Chire ri Dios 119:148

Chijun k'a aq'a' yik'ase' ninch'ob rij ri apixa'.

Wuj Richin Bix Chire ri Dios 77:2

Chupan ri q'ij toq xbison ri wánima kan xinwoyoj k'a ri wajaw. ri pa taq tokoq'a' man xitane' ta richin xinyakala' ri nuq'a' chuwech rija'; y ri wánima kan man jun k'a uxlanibel xuk'ul.

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin ri Jeremías 12:2

Ja rat xatikon kichin achi'el jun che' y rije' ruk'amon-qa jebel kixe'; xek'iy-q'anej y xkiya' kiwech jebel. Stape' rije' yech'on pan abi', ri kánima kan nej k'a k'o kan chawe rat.

Wuj Richin Bix Chire ri Dios 73:21

Toq yin kere' xinch'ob, kan janila k'a xik'oje' pa k'ayew, y ri wánima kan janila k'a xq'axon.