Wuj Richin Bix Chire ri Dios 16:5 - Kaqchiquel Bible

⁵ Yin kan ja ri Jehová ri xinwichinaj kan, pa ruq'a' k'a rija' k'o-wi ri nuk'aslen.

Wuj Richin Bix Chire ri Dios 16:5 ပူးပေါင်းရင်းမြစ်များ

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin Bix Chire ri Dios 142:5

Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

Wuj Richin ri K'uxla'anik 3:24

Ri qánima kan nubij k'a chi ja ri Jehová niya'on ronojel ri nik'atzin chiqe. Roma ri' rik'in rija' niqakuquba-wi qak'u'x.

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

Wuj Richin Bix Chire ri Dios 119:57

Jehová kan ja rat ri' ri ronojel ri wichin yin; kan nubin chi kan jantape' xtinnimaj ri ach'abel.

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

Wuj Richin Bix Chire ri Dios 89:4

Xabij chi kan richin k'a q'asen xajikiba' ri rijatzul. y ri rajawaren kan jantape' k'a xtibe pa jotol.

Wuj Richin ri Jeremías 10:16

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat Jehová k'iytisanel richin ronojel, xicha' chire ri Dios.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin Bix Chire ri Dios 116:13

Xtinsuj k'a vino chire richin jun sipanik, richin matioxinik.

Wuj Richin Bix Chire ri Dios 9:4

Rat kan pa ruchojmilal k'a xaq'et-tzij pa nuwi'; kan k'a chiri' k'a pan atz'uyubal richin q'atbel-tzij xach'on pa nuwi'.

Hechos 5:31

Y ri Dios chuqa' xunimirisaj k'a ruq'ij ri Jesús, rik'in ri xutz'uyuba-apo pa rijkiq'a', y xuben chire chi ja rija' ri nuk'uan qichin y ri nikolon qichin chuqa'. Xuben ronojel re' richin nitzolin qak'u'x rik'in ri Dios roj ri oj judío, y nikuyutej qamak.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

1 Corintios 15:25

Nik'atzin chi ja ri Cristo niq'aton-tzij k'a toq xech'akatej yan konojel ri ye'etzelan richin, y xtuben chike chi xkeqaqa pa ruq'a'.

Wuj Richin Bix Chire ri Dios 125:3

Chupan ri q'atbel-tzij man xtik'oje' ta jantape' jun rey ri banoy etzelal, roma man xa roma ri' kemakun ri choj kik'aslen.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

Hechos 2:32

Qonojel roj, yin y re ek'o wik'in, qetaman y niqatzijoj chi ja ri Dios ri xk'ason richin ri Jesús y achoq chirij xich'on yan qa.

Deut 18:2

Man xtikichinaj ta ri ulew richin tiko'n achi'el konojel qawinaq, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Wuj Richin ri Josúe 22:25

Ri Jehová xuya' ri raqen-ya' Jordán richin k'ulba't chiqakojol roj y rix. Roma ri' rix ri tzobaj richin ri Rubén y ri Gad man ix richin ta ri Jehová, xkecha', xojcha' roj. Keri' ri chiqawech-apo ri iwijatzul rix xtikiben chike ri qijatzul roj richin man xtikitzeqelibej ta chik ri Jehová.

Wuj Richin ri Josúe 22:27

xa richin k'a jun retal chiqakojol roj y rix, y chikikojol chuqa' ri qijatzul ri xkepe chiqawech-apo, richin tiketamaj chi roj chuqa' niqasamajij ri Jehová y niqasuj chire ri poron chikop, ri kamelabel y ri sipanik richin nuq'alajirisaj chi junan qawech rik'in rija', xojcha'. Xqaben kere' richin ri chiqawech-apo man tikibij ri iwijatzul chike ri qijatzul roj: Rix man ix richin ta ri Jehová, man kecha'.