Wuj Richin Bix Chire ri Dios 16:2 - Kaqchiquel Bible

² Ri wánima xubij chire ri Jehová chi ja rija' wajaw yin, y ronojel ri utz nink'ul, kan rik'in rija' peteneq-wi.

Wuj Richin Bix Chire ri Dios 16:2 ပူးပေါင်းရင်းမြစ်များ

Wuj Richin Bix Chire ri Dios 27:8

Ri wánima nubij chuwe chi rat abin kan chi niqaya' aq'ij. Roma ri' yin kan xtinkanoj k'a ri ak'ojlemal rat Jehová.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

Wuj Richin Bix Chire ri Dios 73:25

¿Achike ta chik k'a xtinrayij yin chire ri k'o chila' chikaj? ¡Kan xaxe k'a rat ri yatinwajo'! ¿Achike ta chik k'a xtinwajo' yin wawe' chuwech re ruwach'ulew? ¡Kan xaxe k'a rat ri yatinwajo'!

Wuj Richin Bix Chire ri Dios 8:1

Jehová qajaw roj, ¡kan janila k'a nim ri abi' chuwech chijun ri ruwach'ulew! Ri ak'ojlemal kan k'a pa ruwi' ri kaj niq'alajin-wi chuqa'.

Wuj Richin Bix Chire ri Dios 89:26

Rija' kan xtubij k'a chuwe chi yin in rutata', chi yin in ru-Dios, in rutobal y chuqa' in rukolonel.

Wuj Richin Bix Chire ri Dios 91:2

Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Wuj Richin ri Isaías 26:13

Ja rat ri Jehová ri at qa-Dios, y kan xaxe rat ri niqaya' aq'ij, stape' ek'o chik ch'aqa' ri yeq'aton-tzij pa qawi'.

Wuj Richin ri Isaías 44:5

Rije' xtikibij chi ri e israelita, kan e wichin yin. Chuqa' xtikitz'ibaj chirij ri kiq'a' ri nubi' yin.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

San Lucas 17:10

Xa kan keri' chuqa' rix toq ibanon chik ri samaj ri rubin ri Dios chiwe, tibij: Roj oj samajela' ri man jun ok yojk'atzin-wi. Roma xaxe ok ri bin chiqe, xaxe ri' ri xqaben, kixcha', xcha' ri Jesús chike ri rutijoxela'.

San Juan 20:28

K'ari' ri Tomás xubij chire ri Jesús: Kan ja rat k'a nu-Dios yin y wajaw yin, xcha'.

Romanos 11:35

¿K'o kami jun wineq ri nabey ruya'on ta jun sipanik chire ri Dios, richin chi rija' kan nuya-pe ri rajel-ruk'exel chire?*f46*