Wuj Richin Bix Chire ri Dios 16:10 - Kaqchiquel Bible

¹⁰ Jehová, rat kan man xtaya' ta k'a kan ri wánima chupan ri muqbel kamineq. Man xtaya' ta k'a q'ij chi ri ruch'akul ri acha'on xtichuwir-qa chiri'.

Wuj Richin Bix Chire ri Dios 16:10 ပူးပေါင်းရင်းမြစ်များ

Wuj Richin Bix Chire ri Dios 49:15

Jak'a ri nuk'aslen yin kan xtukol ri Dios chuwech ri jul ri', roma rija' xkiruk'uaj-el k'a akuchi k'o-wi.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 20:13

Ri palou xerujech k'a apo konojel winaqi' ri xeken chupan. Ri kamik y ri akuchi yemuq-wi ri kaminaqi' xekijech apo ri kaminaqi' chire ri Dios. Y kan achi'el ri kibanobal ri xek'ase-el ri kaminaqi' ri', keri' ri q'atoj-tzij ri xban pa kiwi'.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Wuj Richin ri Isaías 14:9

Ri akuchi ek'o-wi ri kaminaqi', konojel rije' xkich'ob xesilon-el, richin xatokik'ulu' k'a el. Kan xeyakatej-pe konojel richin xatokiq'ejela-el. Ri tata'al ri xek'oje-pe ojer, e tz'uyul pa kitz'uyubal richin q'atoj-tzij; y toq xatapon-qa rat, rije' yepa'e' richin xatokik'ulu-el.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

1 Corintios 15:42

Y keri' k'a ri ch'akulaj ri xtikik'uaj ri kaminaqi' toq xkek'astej-el; nimuq jun ch'akulaj ri xa niq'ey, jak'a xtel-pe jun ch'akulaj ri man k'isel ta.

Wuj Richin ri Q'axanri'il 6:6

Chupan ronojel ri q'ij toq rujachon-ri' chuwe yin, k'o chi man nijel ta apo chunaqaj jun kamineq,

Wuj Richin ri Chojmirisabelri'il 19:28

Chuqa' man tisokola-qa-iwi' toq k'o jun niken, y man k'a ke'iyala-qa iwetal roma bis, yin Jehová ri yibin.

San Lucas 4:34

Xubij k'a chire ri Jesús: ¿Achike nawajo' chiqe roj, Jesús aj-Nazaret? ¿Xape k'a richin chi yojak'is? Yin wetaman at achike rat; rat kan at loq'olej-wi y at peteneq rik'in ri Dios, xcha'.

Am 9:2

Stape' xtikewaj kan ki' chuxe' re ruwach'ulew yin kan xkenwelesaj-pe k'a chiri'. Chuqa' stape' xkejote-q'anej nej chire ri kaj yin kan k'a chiri' xkenbenqasaj-wi-pe.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Wuj Richin ri Isaías 5:14

Roma ri' ri jul richin muqbel kaminaqi' kan royoben k'a richin xkerubeq' ri janila chi winaqi'. Chuqa' e kachibilan ri e aj-raqen, ri janila chi winaqi', ri xaxe oyowal nikiben, y ri xaxe nimaq'ij richin yeq'aber ri nikiben.

Wuj Richin Etamabel-Tzij 27:20

Achi'el ri jul richin kamineq y ri k'a akuchi yebek'oje-wi ri e kaminaqi' chik el, ri kan jantape' k'o ri yekik'ul; keri' ri rutzubal ri wineq, kan jantape' k'o nrajo' nutzu'.

Wuj Richin Etamabel-Tzij 15:11

Ri akuchi yemuq-wi ri kaminaqi' y ri akuchi ye'apon-wi chuqa', kan tik'il k'a pa ruwech ri Jehová. y más kan pa ruwech rija' ek'o-wi, ronojel ri k'o pa taq kánima konojel ri winaqi'.

Wuj Richin Bix Chire ri Dios 139:8

Wi ta yijote-q'anej chikaj, chiri' atk'o-wi rat; wi ta yibe-qa k'a chuxe' ri ruwach'ulew, chuqa' chiri' atk'o-wi.

Wuj Richin Bix Chire ri Dios 9:17

Ri e banoy taq etzelal xa xke'apon chupan ri jul richin muqbel, ri maneq Dios chikiwech xa chupan k'a ri tojbel-mak xkebe-wi.

Wuj Richin ri Achin Job 11:8

Roma ri retamabal rija' más nej napon-wi ke chuwech ri kaj, y man jun yatikir naben richin naq'i' ri'. Chuqa' ri retamabal rija' más nej napon-wi-qa ke chuwech ri rupan-qa ri ruwach'ulew, y man jun yatikir naben richin nawetamaj ri'.