Wuj Richin Bix Chire ri Dios 15:4 - Kaqchiquel Bible

⁴ ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

Wuj Richin Bix Chire ri Dios 15:4 ပူးပေါင်းရင်းမြစ်များ

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Ester 3:2

Ri Asuero kan xubij k'a chi konojel k'o chi nikiqasaj-ki' chuwech ri Amán. Roma ri' konojel ri rusamajela' ri rey yexuke' y nikiqasaj-ki' chuwech. Jak'a ri Mardoqueo man nixuke' ta, ni man nuqasaj ta ri' chuwech ri Amán.

Wuj Richin Bix Chire ri Dios 101:4

Kan xtinwelesaj k'a pa nujolon ri itzel taq ch'obonik. Ri wineq itzel rubanobal kan man ninrayij ta k'a ninwetamaj ruwech.

Wuj Richin Bix Chire ri Dios 101:6

Jak'a ri winaqi' choj kik'aslen, ri' kan xkesamej pa wachoch, ri wineq ri kan nuk'uaj ri utzilej bey, jari' ri xtisamajin wichin.

Wuj Richin Bix Chire ri Dios 119:63

Yin kan in kachibil konojel ri yatkitzeqelibej rat Jehová, konojel ri nikitaqej ri apixa'.

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

San Mateo 5:33

Y chuqa' rix kan jebel iwetaman ri xbix chike ri qawinaq ojer kan, chi man tikiq'ej ruwi' ri ya'on-tzij ri nikiben. Xa kan tikibana' k'a ri xkiya' kitzij chire richin nikiben chuwech ri ajaw.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

Hechos 28:10

Ri winaqi' ri aj chiri' pa Malta janila k'a jebel kina'oj xkiben qik'in. Y toq xojbe, rije' xkiyala-el ri xtik'atzin chiqe chupan ri qabey.

1 Juan 3:14

Roj kan oj eleneq chik pe chupan ri kamik, richin chi xojq'ax chupan ri k'aslen. Y qetaman jebel chi keri' roma kan niqajowala-wi-qi' chiqach'alal-qi'. Jak'a ri man nikajo' ta ki', kan e kaminaqi' chuwech ri Dios.

Wuj Kichin ri To'onela' 11:35

Y toq rija' xutz'et ri rumi'al, kan xuretz ri rutziaq chirij y xubij: ¡Numi'al yin, kan qitzij chi wakami xinaya' pa k'ayew! Kan ja chik k'a rat ri xatel-pe richin naya' re q'axo'n re' chuwe, roma yin kan k'o nusujun chire ri Jehová y man yitikir ta chik nintzolij-wi' chuwij, xcha'.