Wuj Richin Bix Chire ri Dios 149:5 - Kaqchiquel Bible

⁵ Kan kekikot k'a ri kan nikiben ri nubij rija'. Kan kebixan k'a stape' ek'o chik pa kich'at.

Wuj Richin Bix Chire ri Dios 149:5 ပူးပေါင်းရင်းမြစ်များ

Wuj Richin ri Achin Job 35:10

Man rik'in ri' man nikikanoj ta ri Dios ri k'iytisayon kichin, ri nitikir nuben chire jun wineq, chi nibixan stape' k'o chupan ri más q'equ'm chire ri ruk'aslen.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

Wuj Richin Bix Chire ri Dios 145:10

Jehová, ronojel ri samaj ri e abanon, kan tikiya' k'a aq'ij. Konojel ri e awalk'ual rat, kan tikinimirisaj k'a aq'ij.

Wuj Richin Bix Chire ri Dios 118:15

Ri pa taq kachoch ri choj kik'aslen nak'axatej ch'abel richin kikoten y kolotajik. Y rije' nikibij: Ri Jehová kan nuben k'a meyel taq banobel.

Romanos 5:2

Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Wuj Richin Bix Chire ri Dios 132:16

Chuqa' xajikiba' chi ri e sacerdote kan xke'awiq k'a rik'in jebelej taq tzieq, y ri winaqi' kan xkebixan k'a roma kikoten.

Wuj Richin Bix Chire ri Dios 92:2

Ri pa taq nimaq'a' kan xtitalux k'a rutzijol ri awutzil rat. Y ri pa taq tokoq'a', xtinatex k'a chi rat kan naben ri asujun.

Wuj Richin Bix Chire ri Dios 23:1

Ri Jehová kan yiruchajij achi'el jun yuq'unel. Roma ri' kan man jun achike xtinwajo'.

2 Sam 6:15

Ri David y konojel ri winaqi' israelita ri kik'uan ri káxa kan yesik'in k'a rik'in kikoten y nikixupula' k'a ri ki-trompeta.

Dn 7:22

k'a toq xpe na ri k'aslik Dios y xuq'et k'a tzij pa kiwi' ri kan e richin rija', roma kan jari' xtz'aqet ri q'ij ri bin-pe, y keri' rije' kan xkik'ul k'a ri ajawaren.