Wuj Richin Bix Chire ri Dios 148:8 - Kaqchiquel Bible

⁸ Konojel re' tikiya' ruq'ij ri Jehová: Ri koyopa', ri saqboch, ri raxq'ab, ri sutz', keri' chuqa' ri nimalej kaq'iq' ri kan nuben ri nubij ri Dios;

Wuj Richin Bix Chire ri Dios 148:8 ပူးပေါင်းရင်းမြစ်များ

Apocalipsis 16:21

Chuqa' chupan ri q'ij ri' xqaqa k'a pe saqboch ri chila' chikaj. Y jujun saqboch jujun la'eq kintal kalal. Y roma k'a re jun kamik saqboch re', ri winaqi' janila nikiyoq' ri Dios, roma kan janila k'ayew.

Wuj Richin ri Jonás 1:4

Jak'a ri Jehová xuben k'a chi xpe jun nimalej kaq'iq'-job pa ruwi' ri ya', y ri ya' nibolqo't-nibolqo't y roma ri' xkina' chi niwuluwu' yan ri barco.

Am 7:4

Ri Dios xuk'ut chinuwech jun chik achi'el achik' y xintz'et k'a chi xuteq-pe ruk'ayewal rik'in q'aq' pa qawi'. Y kan xuchaqirisaj ri nimalej palou ri k'o chuxe' ri ruwach'ulew y xuchop yan nuporoj ri qasanbel ulew.*f2*

Am 4:13

Ja yin ri xibanon ri juyu'. Yin ri yiya'on-pe ri kaq'iq'. Chuqa' ja yin ri yiq'alajirisan ri nuch'obonik chiwe rix. Ja yin ri yijalo ri paq'ij rik'in ri chaq'a'. Chuqa' ja yin ri yiq'ax pa kiwi' ri nimalej taq juyu'. Y ri nubi' ja ri Jehová ri Dios ri k'o ronojel uchuq'a' wik'in, xcha'.

Joel 2:30

Chupan ri kaj xtinben chi xkebanatej ri man jun bey e tz'eton ta, y keri' chuqa', ri chuwech ri ruwach'ulew. Xtinben chi xtitz'etetej kik', q'aq' y sib ri kan achi'el chik nima'q taq sutz'.

Wuj Richin ri Isaías 66:16

Y rik'in q'aq' y espada xtinq'et-tzij pa kiwi' konojel winaqi', y kan e k'iy k'a ri xkenkamisaj.

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Wuj Richin Bix Chire ri Dios 18:12

Chupan k'a ri sutz' ri' xel-pe rusaqil ri Jehová. Jari' toq xqaqa-pe saqboch, koyopa' y q'aq'.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Chojmirisabelri'il 10:2

Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.

Ex 14:21

Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Ex 10:19

Y ri Jehová kan chi'anin k'a xujel rubey ri kaq'iq' y xuben chi ja chik ri pa qajbel-q'ij xbek'ulun-wi-pe y xeruk'uaj-el konojel ri sak' y xeberuya' kan k'a chupan ri Kaqa-Palou y kan man jun chik k'a sak' xk'oje' kan pan Egipto.

Ex 10:13

Y keri' ri Moisés xutzeqej ri ruch'ame'y pa ruwi' ri Egipto, y ri Jehová xuben chi xpe jun nimalej kaq'iq' pa relebel-q'ij chire ri ruwach'ulew. Ri kaq'iq' ri' xuben jun q'ij y jun aq'a' y ri nimaq'a' ruka'n q'ij, ri kaq'iq' e ruk'amon k'a pe ri sak'.

Wuj Richin ri Rutikeribel 19:24

k'ari' ri Jehová xuya-pe ri q'aq' rik'in chuwilej-abej y kan achi'el k'a job ri xuben pa kiwi' ri Sodoma y ri Gomorra.

Wuj Richin ri Achin Job 37:12

Ri sutz' kan yesutiyaj k'a chirij chijun re ruwach'ulew, keri' nikiben richin nikinimaj rutzij ri Dios.

Wuj Richin ri Jonás 1:5

Roma ri' ri samajela' richin ri barco xkixibij-ki', y chikijujunal rik'in uchuq'a' xech'on rik'in ri ki-dios richin xkik'utuj to'onik. Y ronojel k'a ri ejqa'n xkitorila' kan chupan ri ya' richin chi nitzoyotzo-qa ri barco. Jak'a ri Jonás kan k'a chukojol k'a qa ri ejqa'n k'o-wi y chiri' kamineq chi waran.