Wuj Richin Bix Chire ri Dios 148:4 - Kaqchiquel Bible

⁴ Ri kaj chi tz'etel y man tz'etel ta tikiya' ruq'ij ri Dios, keri' chuqa' ronojel ri sutz' ri ek'o chuxe' ri kaj.

Wuj Richin Bix Chire ri Dios 148:4 ပူးပေါင်းရင်းမြစ်များ

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

Wuj Richin ri Rutikeribel 1:7

Y xuben k'a chi xk'oje' rukojolil ri ya', ri k'o pa xulan y ri k'o chikaj.

Deut 10:14

Ri Jehová ri qa-Dios kan richin k'a rija' ri kaj ri tz'etel y ri man tz'etel ta, y chuqa' chijun ruwach'ulew, y ronojel ri ek'o chuwech.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

2 Corintios 12:2

Yin wetaman k'a ruwech jun achin ri runiman chik ri Cristo. Y k'o yan chik k'a kajlajuj juna' ri xuk'uex k'a pa rox kaj. Jak'a man wetaman ta ri achike rubanik toq xuk'uex, wi kan rik'in ri ruch'akul o xaxe ri ru-espíritu, xaxe k'a ri Dios ri etamayon.

Wuj Richin Bix Chire ri Dios 113:6

Stape' kan keri', rija' nuqasaj-ri' richin nutzu-pe ri kaj y ri ruwach'ulew.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Wuj Richin Bix Chire ri Dios 68:33

tikinimirisaj ruq'ij ri nibiyajilan pa ruwi' ri kaj ri kan k'o-pe tibe-q'ij tibe-seq! Rija' xtuben chi kan xtak'axatej ri ruch'abel ri kan k'o uchuq'a' ruk'uan.

Wuj Richin ri Rutikeribel 7:11

Y toq ri Noé 600 rujuna', pa ruka'n ik' chire ri juna' ri', ri q'ij wuqlajuj, ja k'a q'ij ri' toq ri ralaxbel-ya' xebebos-pe chuwech re ruwach'ulew, y ri chila' chikaj kan niq'ejej-pe ri ya'.

Wuj Richin ri Rutikeribel 1:6

K'ari' xubij ri Dios: Tik'oje' rukojol ri ya' richin nuch'er-ri' pa ka'i'.

2 Crón 2:5

Y ri jay richin ri Dios ri xtinpaba-q'anej kan janila nim, roma ri qa-Dios kan janila nim ruq'ij chikiwech ch'aqa' chik dios.

Wuj Richin Bix Chire ri Dios 69:35

Ri Dios kan xtukol k'a ri tinamit Sión, y xkeruyek chik k'a q'anej ri ch'aqa' chik tinamit richin Judá. Chiri' k'a xkek'oje' chik ri winaqi' y ri ruwach'ulew kan xtok chik kichin.