Wuj Richin Bix Chire ri Dios 147:8 - Kaqchiquel Bible

⁸ Ja rija' nibanon chi ri kaj ninoj ruwech chi sutz'. Nunaba' k'a ri job richin nuya'aj ri ruwach'ulew. Chuqa' nuben chi nik'iy-pe ri q'ayis pa taq juyu'.

Wuj Richin Bix Chire ri Dios 147:8 ပူးပေါင်းရင်းမြစ်များ

Wuj Richin ri Achin Job 5:10

Ja rija' ri niya'on-pe ri job pa ruwi' ri ruwach'ulew. Nuteq k'a pe ri ya' pa ruwi' ri ulew ri yetikonej chuwech.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Wuj Richin ri Rutikeribel 9:14

Y ronojel bey toq yin xtinben richin nipe jun molaj sutz' pa ruwi' re ruwach'ulew y xtitz'etetej ri kotoq'a' chupan ri sutz',

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Joel 2:23

Roma ri' kixkikot chuqa' rix winaqi' aj-Sión; kan kixkikot y kan kixnimaq'ijun chuwech ri Jehová ri qa-Dios, roma kan pa ruq'ijul xuya-pe ri nabey taq job. Chuqa' rija' kan xtuya-pe ri job pa ruk'isibel. Rija' kan jantape' xtuya-pe ri job achi'el rubanon-pe.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin Bix Chire ri Dios 135:1

Kan tibixaj k'a ri rubi' ri Jehová. Rix ri ix rusamajel, kan tinimirisaj k'a ri ruq'ij;

Wuj Richin Etamabel-Tzij 27:25

Ri q'os kichin ri chikopi' nibe'el-pe y nik'iy-q'anej. y nibeq'at-pe ri q'os ri k'o chuwi' taq juyu'.