Wuj Richin Bix Chire ri Dios 147:5 - Kaqchiquel Bible

⁵ Ri qajaw roj kan k'o janila nim ruq'ij, y kan janila uchuq'a' rik'in. Ri runojibal kan maneq ruchi'.

Wuj Richin Bix Chire ri Dios 147:5 ပူးပေါင်းရင်းမြစ်များ

Wuj Richin ri Isaías 40:28

¿Chij man iwetaman ta k'a rix achike xtz'ukun ri ruwach'ulew? ¿Man iwak'axan ta kami rix? Ri Jehová Dios jari' ri richin q'asen. Ja rija' ri xbanon chijun ri ruwach'ulew. Rija' kan man nikos ta, y ri runojibal kan man jun achoq chuwech niq'ax-wi.

Wuj Richin Bix Chire ri Dios 96:4

Roma ri Jehová kan janila nim, y kan ruk'amon richin niqanimirisaj ruq'ij. Kan xaxe wi rija' ri ruk'amon chi niqaya' ruq'ij chikiwech ri ch'aqa' chik dios.

Romanos 11:33

Ri Dios kan janila wi na'oj, beyomel y etamabel k'o rik'in. Roj kan man niq'ax ta chiqawech ri ruch'obonik, y man niq'ax ta chuqa' chiqawech ri rubey.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Wuj Richin Bix Chire ri Dios 48:1

Nimalej ruq'ij ri Jehová y kan ruk'amon richin niya'ox ruq'ij jantape', chupan ri rutinamit ri k'o pa ruwi' ri juyu'.

Wuj Richin Bix Chire ri Dios 40:5

Kan janila k'a k'iy ri meyel taq abanobal. Ri ach'obonik pa qawi' roj kan k'iy-wi. Kan man jun k'a achoq ik'in ta xkitikir xkatinjunamaj-wi. Yin man yitikir ta nintzijoj ronojel re', roma janila k'iy.

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin Bix Chire ri Dios 145:3

Kan nimalej aq'ij rat Jehová. Kan ruk'amon richin niya'ox ronojel bix chawe. Ri animirinen rat kan man nuq'i' ta ri qach'obonik roj.

Wuj Richin Bix Chire ri Dios 99:2

Ri Jehová k'o nimalej ruchuq'a' chupan ri tinamit Sión. Chuqa' keri' rubanon pa kiwi' ri ch'aqa' chik tinamit.

Wuj Richin Bix Chire ri Dios 135:5

Kan wetaman k'a chi ri Jehová kan janila nim. Ri qajaw roj kan más nim chikiwech ri ch'aqa' chik dios.

Wuj Richin ri Achin Job 36:5

Ri Dios kan janila nim, man rik'in ri' man yerumalij ta ri winaqi'; Rija' retaman ri achike nuben, roma janila nim rubanik ri ruchuq'a' ri retamabal.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.