Wuj Richin Bix Chire ri Dios 147:10 - Kaqchiquel Bible

¹⁰ Rija' man nukuquba' ta ruk'u'x kik'in ri kiej chupan jun oyowal, ni man nukuquba' ta ruk'u'x kik'in aj-labal.

Wuj Richin Bix Chire ri Dios 147:10 ပူးပေါင်းရင်းမြစ်များ

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin Etamabel-Tzij 21:31

Ri kiej, richin chi nuk'uex pa jun oyowal, kan nitijox k'a jebel, jak'a ri ch'akonik richin ri oyowal, ri' ja ri Jehová ri nibanon.

Os 1:7

Jak'a ri e aj-Judá xtinjoyowaj kiwech, ja yin ri in ki-Dios ri xkikolon kichin. Kan xkenkol k'a y man rik'in ta rute-ch'ab ni espada, ni man rik'in ta labal, ni man rik'in ta kiej y ni man kik'in ta achi'a' ri yech'oke' chirij kiej, xcha' chuwe.

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

Wuj Richin ri Achin Job 39:11

¿Kan nakuquba' kami ak'u'x rik'in ri chikop ri', roma janila ruchuq'a'? ¿Kan nakuquba' kami ak'u'x rik'in richin nuben ri asamaj más k'ayew?