Wuj Richin Bix Chire ri Dios 146:9 - Kaqchiquel Bible

⁹ Ri Jehová kan yeruchajij ri e aj juk'an chik ruwach'ulew. Ri meba'i' y ri malkani' kan yeruq'axaj k'a. Jak'a kan nusech kik'u'x ri e banoy taq etzelal.

Wuj Richin Bix Chire ri Dios 146:9 ပူးပေါင်းရင်းမြစ်များ

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 7:10

Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 147:6

Ri Jehová nunimirisaj kiq'ij ri kiqasan-ki' chuwech. Jak'a ri e banoy taq etzelal kan yeruqasaj k'a pan ulew.

Wuj Richin Bix Chire ri Dios 18:26

Rat kan at utz rik'in ri utz ruk'aslen. Jak'a kan naya' rutojbalil-mak pa ruwi' ri man nutzeqelibej ta ri abey.

Wuj Richin Bix Chire ri Dios 68:5

Ri Dios kan tata'aj k'a chike ri meba'i' y to'onel kichin ri malkani' Kan k'a chupan k'a ri rachoch yeruto-wi-pe.

Wuj Richin Etamabel-Tzij 15:25

Ri Jehová kan nuwulaj ri rachoch ri wineq ri kan nim nuna-ri'; jak'a kan nuchajij jebel ri richinan kan ri malka'n-ixoq.

Wuj Richin Etamabel-Tzij 4:19

Jak'a ri kibey k'a ri winaqi' aj-maki', kan q'equ'm-q'equ'm k'a y roma ri' kan man xtiketamaj ta ri akuchi xketzaq-wi roma nikipajk'ij-kaqen.

Wuj Richin ri Jeremías 49:11

Ke'aya' kan ri taq ameba' y ri malkani' wik'in richin xkenchajij, xticha' ta.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

1 Corintios 3:19

Roma chuwech ri Dios, ri na'oj richin re ruwach'ulew xa kan man jun nik'atzin-wi, achi'el ri nubij chupan ri ruch'abel ri tz'ibatel kan: Ri winaqi' ri nikikuquba' kik'u'x rik'in ri na'oj ri k'o kik'in, k'iy bey xa chubanik ri etzelal nikikusaj-wi y chiri' k'a yeruchop-wi ri Dios y yeqaqa pa ruq'a'.*f7*

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.