Wuj Richin Bix Chire ri Dios 146:7 - Kaqchiquel Bible

⁷ Ri Jehová kan nuben ri ruchojmilal kik'in ri yetz'ilox. y kan nuya' kiway ri yewayjan. Kan yerukol k'a ri ek'o pa ximonri'il.

Wuj Richin Bix Chire ri Dios 146:7 ပူးပေါင်းရင်းမြစ်များ

Wuj Richin Bix Chire ri Dios 103:6

Ri Jehová kan nuq'et k'a tzij pa ruchojmilal. Kan yeruto' ri yetz'ilox.

Wuj Richin Bix Chire ri Dios 68:6

Kan nuben chi ri e malin kan, kan ye'ok ach'alalri'il kik'in ch'aqa' chik, kan nuben chuqa' chike ri e ximil chi kan yekolotej; jak'a ri man nikinimaj ta tzij, nuben chike chi xkek'oje' chupan jun ruwach'ulew chaqi'j-chaqi'j.

Wuj Richin ri Isaías 61:1

Ri uchuq'a' richin ri Jehová ri wajaw kan k'o pa nuwi' yin; ri Jehová k'iytisanel richin ronojel kan xirucha' k'a yin. Kan xiruteq k'a pe richin ninya' utzilej rutzijol chike ri e k'ayewatajineq, richin ninya' ch'uch'ujil pa taq kánima ri niq'axon kánima, achi'el naq'omex jun sokotajik, richin yetotej ri e ximil, y ri ek'o pa cárcel kan xketotej k'a el.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

Wuj Richin Bix Chire ri Dios 10:18

Taq'ata-tzij pa kiwi' ri meba'i' y ri yetz'ilox, richin chi ri banoy etzelal man ta chik xtuben etzelal chike.

Wuj Richin Bix Chire ri Dios 142:7

Kinawelesaj chupan re ruk'ayewal re', richin chi ninya' aq'ij; ri winaqi' ri choj kik'aslen xtikimol-ki' wik'in toq rat xtaben ri utzil chuwe richin yinakol.

Hechos 16:26

Kan jari' k'a toq xoyikiyo' jun nimalej silonel, y xusiloj k'a ri cárcel y kan xebiyin ri ruxe'. Ri ruchi' ri cárcel xejaqatej, y ri cadena ri e ukusan richin e ximilon kan ri ek'o pa cárcel, xkisq'opej-ki'.

Hechos 5:19

Jak'a ri chi'aq'a', ri Dios xuteq k'a pe jun ángel ri pa cárcel kik'in rije'. Y re ángel re' xujeq-el ri ruchi' ri cárcel chikiwech, richin xerelesaj-el. Y xubij k'a chike:

San Lucas 9:17

Kan konojel k'a jebel xkitej kiway. Kan man jun k'a ri man ta jebel xwa'. K'a k'o na k'a kablajuj chakech ri xnoj rik'in ri kaxlan-wey y ri ker ri xmolotej, ri xa man xk'is ta.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Jeremías 31:14

Y ri winaqi' ri' kan xkekikot rik'in janila chi beyomel ri xtinya' chike y chuqa' ri sacerdote kan xtik'oje' pa ruk'iyal kik'in.

Wuj Richin ri Isaías 9:4

Ri ojer kan, rat xe'ato' ri qati't-qamama' pa kiq'a' ri aj-Madián. Y re wakami xqojato' chuqa' roj. Rat xke'awelesaj pa qawi' ri yetz'ilo qichin. Rije' kan xojkiya' pa kow taq samaj, jak'a re wakami rat kan xqojakol. Re wakami rat xtawelesaj ri uchuq'a' ri k'o kik'in rije'.

Wuj Richin Bix Chire ri Dios 136:25

Ja rija' k'a nitzuqun kichin konojel ri e k'es chuwech re ruwach'ulew: Roma ri rujoyowanik rija' kan richin jantape'.

Wuj Richin Bix Chire ri Dios 72:4

Xtuq'et k'a tzij pa kiwi' ri e k'ayewatajineq. Xkerukol k'a kalk'ual ri man jun k'o kik'in. Jak'a ri xetz'ilon kichin, rat xke'aya' pa ruk'ayewal.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.

Wuj Richin Bix Chire ri Dios 68:7

Nimalej Dios, toq rat xatik'o-pe chuwech ri atinamit, toq xaq'axaj ri tz'iran ruwach'ulew,