Wuj Richin Bix Chire ri Dios 146:4 - Kaqchiquel Bible

⁴ Roma rije' xa yeken, nel-el ri uxla' kik'in y yetzolej chupan ri poqolaj; y kan chupan ri q'ij ri' niken kik'in rije' ronojel ri kich'obonik.

Wuj Richin Bix Chire ri Dios 146:4 ပူးပေါင်းရင်းမြစ်များ

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin Bix Chire ri Dios 104:29

Wi rat nawewaj-awi', rije' kan nisach kik'u'x. Toq nawelesaj ri uxla' kik'in, rije' xa kan yeken-qa. Y xa kan yetzolej chik pa poqolaj.

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

1 Corintios 2:6

Man rik'in ri', roj kan k'o-wi na'oj niqak'ut chikiwech ri qach'alal ri kan e k'iyineq chik chupan ri kik'aslen rik'in ri Dios; jun na'oj ri man richin ta re ruwach'ulew, ni man kichin ta chuqa' winaqi' ri nima'q kiq'ij; ri xa xtapon ri q'ij toq xkek'is.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

Wuj Richin ri Achin Job 27:3

rokik k'a k'o juba' nuk'aslen y rokik chi ri Dios kan k'a nuya' na q'ij chuwe ninjiq'aj wuxla',

Wuj Richin ri Achin Job 17:11

Ri nujuna' kan anineq k'a e q'axineq kan; ri nuch'obon chi ninben xa xyoj chinuwech. Keri' chuqa' ronojel ri rurayibel ri wánima.

Wuj Richin ri Achin Job 14:21

Y ri chiri', kan man chik xtretamaj ta wi ri e ralk'ual kan, nimirisan kiq'ij, y chuqa' ri chiri', kan man chik xkerutz'et ta pe ri e ralk'ual kan, wi xa ek'o pa jun meba'il.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Wuj Richin ri K'uxla'anik 4:20

Ri ojer, xqakuquba' qak'u'x rik'in ri rey Sedequías, jak'a rija' xa xuya-ri' pa pikbel. Xqach'ob chi rik'in rija' niqato-wi-qi' chikiwech ri ch'aqa' chik winaqi'.

Wuj Richin ri Isaías 2:22

Roma ri', rix nuwinaq, man tikuquba' ik'u'x kik'in ch'aqa' chik winaqi', roma rije' kan juba' ok kejqalen y ri kik'aslen xa juba' ok k'o chuwech re ruwach'ulew.

Wuj Richin Bix Chire ri Dios 90:3

Rat kan naben chiqe chi yojok chik ulew. Kan yojawoyoj-wi richin yojok chik poqolaj.

Wuj Richin ri Achin Job 17:1

Ri nuk'aslen xa napon yan pa ruk'isibel; ri q'ij richin ri nuk'aslen chuwech re ruwach'ulew xa juba' chik ok, xa kan iroyoben chik k'a ri jul ri akuchi xkibemuq-wi kan.

Wuj Richin ri Achin Job 14:10

Jak'a toq ri wineq niken, kan jumul nik'is ri ruchuq'a'. Toq nitane' richin nujiq'aj ri ruxla', jari' xk'is chiri'.

Wuj Richin ri Rutikeribel 6:17

Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

Wuj Richin ri Molojri'il 9:6

Chiri' k'a xtik'is-wi ri ajowabel, ri etzelal, ri ch'upun-k'u'x y man e jajun ta chik rije' kik'in ri k'a e k'es na toq nikiben ri k'o chi niban chuwech ri ruwach'ulew.