Wuj Richin Bix Chire ri Dios 145:8 - Kaqchiquel Bible

⁸ Rat Jehová, kan at koch'onel y joyowanel; kan malon k'a nipe awoyowal, y kan janila nim ri ajoyowanik.

Wuj Richin Bix Chire ri Dios 145:8 ပူးပေါင်းရင်းမြစ်များ

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Wuj Richin Bix Chire ri Dios 103:8

Ri Jehová kan joyowanel y koch'onel-wi. Kan man chi'anin ta nipe royowal, y kan janila nim ri rujoyowanik.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin Bix Chire ri Dios 116:5

Ri Jehová kan koch'onel y kan choj ri nuben. kan joyowanel-wi k'a ri qa-Dios roj.

Wuj Richin Bix Chire ri Dios 100:5

Roma ri Jehová kan janila utz. Ri rajowabal man k'isel ta, y man jun bey yojrumalij kan roj ri oj ruwinaq.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Efesios 2:4

Jak'a ri Dios yalan nim ri ajowabel ri k'o rik'in, roma ri' xojrajo' y xujoyowaj qawech.

Efesios 1:8

rik'in ri ruya'on k'iy etamabel y na'oj chiqe!

Wuj Richin ri Jonás 4:2

Y xch'on rik'in ri Jehová y xubij: ¡Kan xinbij na wi yin toq k'a ink'o na pa nuruwach'ulew, chi kere' naben! Y roma ri' xinanimej richin ta xibe pa Tarsis. Keri' xinben roma wetaman chi at jun Dios koch'onel y joyowanel. Y roma ri awajowabal, kan stape' nabij chi naya' ta jun ruk'ayewal, xa najel chik ri ach'obonik.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.