Wuj Richin Bix Chire ri Dios 145:6 - Kaqchiquel Bible

⁶ Xtitzijox k'a ri samaj ri xaben rik'in uchuq'a' ri kan nak'en rukiy. Y yin kan xtintaluj k'a rutzijol ri animirinen.

Wuj Richin Bix Chire ri Dios 145:6 ပူးပေါင်းရင်းမြစ်များ

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Wuj Richin Bix Chire ri Dios 113:3

Kan k'a akuchi k'a nel-wi-pe ri q'ij, y k'a akuchi nibeqaqa-wi, kan tinimirisex k'a ri rubi' ri Jehová.

Wuj Richin ri Jeremías 50:28

Xtak'axatej k'a ri ch'abel kichin ri winaqi' ri xke'animej-pe pa ruwach'ulew Babilonia y xke'apon pa tinamit Sión richin xtokitzijoj ri rutojbalil ri xtinya' pa kiwi', roma ri xkiben chire ri wachoch.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Wuj Richin Bix Chire ri Dios 22:31

Xtikitzijoj k'a chike ri man jani ke'alex, ri ruchojmilal y ri meyel taq abanobal.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Deut 32:3

Yin kan xtintaluj rutzijol ri nuben ri Jehová; y rix ri rutinamit kan tiya' k'a ri ruq'ij chuqa'.

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.