Wuj Richin Bix Chire ri Dios 145:19 - Kaqchiquel Bible

¹⁹ Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 145:19 ပူးပေါင်းရင်းမြစ်များ

Wuj Richin Bix Chire ri Dios 37:4

Kakikot rik'in ri Jehová, y ja rija' xtiya'on chawe ri rurayibel ri awánima.

San Juan 15:7

Jak'a wi rix kan itunun-iwi' wik'in, y wi nik'oje' ta ri nuch'abel iwik'in rix, kan tik'utuj k'a chire ri Dios achike ri nurayij ri iwánima, y kan keri' xtibanatej.

San Mateo 5:6

Jebel ruwa-kiq'ij ri kan nik'at kánima chirij ri ruchojmilal; ri Dios xtuben chike chi xtich'uch'u' ri kánima.

1 Juan 5:15

Y roma qetaman chi ri Dios nrak'axaj ri k'utunik ri niqaben chire, qetaman chuqa' chi nuya-pe ri niqak'utuj chire.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Wuj Richin Bix Chire ri Dios 34:9

Tiqasaj-iwi' chuwech ri Jehová, rix ri ix ch'aron chik chire rija'. Roma ri k'o rukiy ri Dios chikiwech, man jun achike xtikajo'.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

Wuj Richin Bix Chire ri Dios 34:17

Ri choj kik'aslen yech'on rik'in ri Jehová y kan yerak'axaj, y kan yerukol chire ronojel ri tijoj-poqonal.

Wuj Richin Bix Chire ri Dios 20:4

Kan xtuya' ta k'a chawe ri rurayibel ri awánima. Kan xtuben ta k'a chi xtik'achoj ronojel ri ach'obon richin naben.

Wuj Richin Bix Chire ri Dios 37:19

Ri choj kik'aslen, stape' k'o ruk'ayewal, kan man xkek'oje' ta pa k'ayew. Stape' xtipe jun nimalej wayjal chikij, rije' kan man xkewayjan ta.

Wuj Richin Etamabel-Tzij 15:29

Ri Jehová man yeruk'ul ta ri winaqi' ri e banoy richin ri etzelal; jak'a ri ruch'owen ri wineq ri choj ruk'aslen, kan nrak'axaj k'a.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

Wuj Richin Bix Chire ri Dios 34:18

Ri Jehová kan naqaj k'o chike ri niq'axon kánima richin nrelesaj ri q'axo'n ri'. Chuqa' kan yeruto' ri man jun chik oyobenri'il k'o kik'in.