Wuj Richin Bix Chire ri Dios 144:4 - Kaqchiquel Bible

⁴ Ri wineq xa kan chi'anin niq'ax-el, achi'el ri kaq'iq'. Ri q'ij richin ri ruk'aslen xa achi'el ok ri muj ri xa chi'anin niq'ax.

Wuj Richin Bix Chire ri Dios 144:4 ပူးပေါင်းရင်းမြစ်များ

Wuj Richin Bix Chire ri Dios 102:11

Ri q'ij richin nuk'aslen xa kan achi'el k'a ri muj ri xa niq'ax. Xa kan beneq k'a nuchaqirinen, achi'el jun q'ayis.

Wuj Richin Bix Chire ri Dios 109:23

Ri nuk'aslen xa achi'el ri mach'ach'il toq nik'is-el. Roma maneq chik wuchuq'a', ri kaq'iq' yiruxupupej achi'el nuben chire ri sak'.

Wuj Richin ri Achin Job 8:9

Roma roj xa oj richin ok iwir-kabijir k'a man jun ok qetaman, y re qak'aslen chuwech re chuwach'ulew, xa chi'anin niq'ax achi'el niq'ax jun muj.

Wuj Richin ri Molojri'il 12:8

Ronojel xa nik'is, ronojel xa q'axel, keri' nubij ri q'alajirisey ruch'abel ri Dios, ronojel xa q'axel k'a.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

Wuj Richin ri Molojri'il 8:13

Ri aj-maki', ri maneq Dios chikiwech xa maneq ruki'il ri kik'aslen y xa man niyaloj ta. Xa kan achi'el ok jun muj ri xa niq'ax chi'anin.

Wuj Richin ri Molojri'il 1:14

Xintz'et k'a ronojel ri samaj ri niban chuwech re ruwach'ulew chi maneq rejqalen. Xa man yatikir ta nawil ri nawajo', xa kan achi'el ta nawajo' nachop ri kaq'iq'.

Wuj Richin ri Molojri'il 1:2

Ronojel xa nik'is, ronojel xa q'axel, keri' nubij ri ch'abaliy ruch'abel ri Dios, ronojel xa nik'is, ronojel xa q'axel. Kan ronojel-wi q'axel.

Wuj Richin Bix Chire ri Dios 89:47

Toqaqa chi'ak'u'x chi ri qak'aslen xa ti juba' ok, xa k'o chi yojken.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin Bix Chire ri Dios 39:11

Kan rik'in rutojbalil-mak nachojmirisaj ri ruk'aslen ri wineq, Ri rubeyomel kan nak'is, achi'el ri taq chikopi' ri nikichikopirisaj ri jel; Kan qitzij wi chi ri wineq xa q'axel, achi'el niq'ax ri kaq'iq'.

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

Wuj Richin ri Achin Job 4:19

¡K'atala' chik k'a chi xtuya' ránima rik'in jun wineq ri xa ulew, ri xa man kow ta; ri xa kan tikirel chi nupach'ij, achi'el nuben jun wineq rik'in jun ti palamax!