Wuj Richin Bix Chire ri Dios 144:12 - Kaqchiquel Bible

¹² Tabana' chi ri qak'ajol kan chi'anin xkek'iy, achi'el jun ti che' ri rex-rex nitzu'un; ri qami'al kan xkek'iy ta choj-choj achi'el ri pilar ri e chapayon richin ri rachoch ri rey.

Wuj Richin Bix Chire ri Dios 144:12 ပူးပေါင်းရင်းမြစ်များ

Wuj Richin Bix Chire ri Dios 128:3

Ri awixjayil kan xtuben k'a achi'el ri juwi-uva ri kan janila ruwech. Ri awalk'ual kan achi'el k'a ri taq alaj che' olivo xtikiben chuchi' ri a-mesa.

Wuj Richin ri Achin Job 42:15

Kan man jun chik k'a xtani' chuwech chijun ruwach'ulew ri kan janila e jebel ok achi'el ri e rumi'al ri Job; y ri kitata' xuben k'a chike chi xe'ichinan junan kik'in ri kixibal.

Wuj Richin ri K'uxla'anik 4:2

Ri nuwinaq richin ri tinamit Sión kan janila xya'ox kejqalen. Xk'oje' kejqalen achi'el rejqalen ri q'anapueq. Jak'a re wakami xa maneq chik kejqalen, achi'el niban chire jun bojo'y ri xa banon rik'in xeq-ulew roma jun wineq.

Deut 7:13

Kan xkixrajo' y kan xtuya' urtisanik pan iwi' y kan xkixruwinaqirisaj y chuqa' kan xtuya' ruq'a' pa kiwi' ri iwalk'ual y pa ruwi' ri jalajoj ruwech ixin, ri vino, ri aceite, pa kiwi' ri kal ri wákix y ri karne'l, ri xkek'oje' iwik'in chiri' chupan ri ruwach'ulew ri sujun kan chike ri qati't-qamama'.

Wuj Richin ri Zacarías 9:17

Kan janila k'a jebel xtiben chuwech ri iruwach'ulew. Ri iwalk'ual chi alaboni' chi xtani' kan jebel k'a xkek'iy-q'anej, achi'el ri tiko'n y ri juwi-uva, xcha'.