Wuj Richin Bix Chire ri Dios 143:8 - Kaqchiquel Bible

⁸ Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in. Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.

Wuj Richin Bix Chire ri Dios 143:8 ပူးပေါင်းရင်းမြစ်များ

Wuj Richin ri Isaías 48:17

Ri Jehová nubij: Ja yin ri in ikolonel rix, y kan xaxe yin ri in i-Dios. Ja yin Jehová ri nink'ut chiwech ri más jebel chiwe rix, y yin yik'utu chiwech ri utzilej bey, ri akuchi ruk'amon richin yixbe.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Wuj Richin Bix Chire ri Dios 32:8

Ri Jehová nubij: Yin kan atintzuliben k'a. Xtink'ut k'a chawech ri bey ri k'o chi nak'uaj. Y xtinben k'a chawe richin xtiq'ax chawech.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin Bix Chire ri Dios 59:16

Jak'a yin kan xtinbixaj ri awuchuq'a', kan ronojel nimaq'a' xtinnimirisaj ri abi' roma ri ajoyowanik pa nuwi'; roma kan awik'in rat ninto-wi-wi' chupan ri q'ij richin ruk'ayewal.

Wuj Richin Bix Chire ri Dios 143:10

Tak'utu' chinuwech chi ninben ri niqa' chawech, roma kan ja rat ri at nu-Dios; rik'in ri awajowabal xkinayuqej chupan ri ruchojmilal.

Wuj Richin Bix Chire ri Dios 27:11

Jehová, tak'utu' chinuwech ri abey. Kinayuqej chupan ri bey richin ruchojmilal, roma kan ek'o-wi ri e etzelanel wichin.

Wuj Richin Bix Chire ri Dios 90:14

Taya' ri awajowabal chiqe ronojel nimaq'a', richin roj xqojbixan y xqojkikot ta ronojel q'ij chire ri qak'aslen.

Wuj Richin ri K'uxla'anik 3:41

Qojch'on-q'anej rik'in ri Dios, tiqayaka-q'anej ri qaq'a' chuwech; kan tiqajacha' chuqa' ri qánima chire,

Wuj Richin Bix Chire ri Dios 86:4

Tabana' chi yikikot yin ri in asamajel, y ri nuch'owen kan choj ta nibe-q'anej awik'in rat.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Wuj Richin Bix Chire ri Dios 5:8

Jehová, kinayuqej chupan ri ruchojmilal. Tak'utu' chinuwech ri abey, roma kan ek'o-wi ri e etzelanel wichin.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Wuj Kichin ri To'onela' 13:12

Jari' toq ri Manoa xubij: Toq xtibanatej ri xabij, ¿achike rubanik richin nik'ase' ri ak'ual, y achike k'atzinel niqaben roj rik'in?, xcha'.

1 Sam 23:12

K'ari' ri David xuk'utuj chik jun bey: ¿Ri winaqi' ek'o wawe' pa Queilá, xqojkijech kami el pa ruq'a' ri Saúl?, xcha'. Y ri Jehová xubij chi xkejach-el.

Wuj Richin Bix Chire ri Dios 25:20

Tachapa' k'a ri wánima y kinakolo'. Man ta k'a xkik'ixbitej, roma yin kan nukuquban nuk'u'x awik'in.