Wuj Richin Bix Chire ri Dios 143:7 - Kaqchiquel Bible

⁷ Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 143:7 ပူးပေါင်းရင်းမြစ်များ

Wuj Richin Bix Chire ri Dios 102:2

Man tawewaj-awi' chinuwech toq yin ink'o pa q'axo'n. Tabana' utzil taya' axikin chire ri nuch'abel. Kan ta chi'anin xtak'uluba-pe ri nuch'abel toq yin yich'on awik'in.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin Bix Chire ri Dios 27:9

Jehová man tawewaj-awi' chinuwech. Man taya' ri awoyowal pa nuwi' yin ri in asamajel, roma kan ja rat k'a ri at nuto'onel yin. Man kinaya' kan, ni man kinawisq'opej kan, nu-Dios y nukolonel yin.

Wuj Richin Bix Chire ri Dios 28:1

Ja ri abi' rat ninnataj Jehová, nuto'onel yin. Man k'a tapoqonaj nak'uluba-pe ri nuch'abel. Roma wi keri' xa kan in ajlan chik k'a chikikojol ri kaminaqi'.

Wuj Richin Bix Chire ri Dios 40:17

Jak'a yin k'a ink'o na pa q'axo'n, y kan k'a k'o na ri nik'atzin chuwe. Ninwoyobej chi rat nawak'axaj ri nuch'owen. Ja rat at nuto'onel y nukolonel, nu-Dios yin. Y roma ri' kinato' chi'anin.

Wuj Richin Bix Chire ri Dios 69:17

Man tawewaj-awi' chinuwech, yin ri in asamajel, roma ink'o pa nimalej bis; tabana' utzil kinawak'axaj chi'anin.

Wuj Richin Bix Chire ri Dios 69:18

Kajel k'a pe wik'in, y kinakolo'. Kinato' k'a chikiwech ri e etzelanel wichin.

Wuj Richin Bix Chire ri Dios 69:3

Xikos yan janila, roma yisik'in chuk'utuxik to'onik, ri nuqul kan niq'axon chik, y xjasjo' yan. Ri runaq'-nuwech chuqa' nik'is yan qa ruchuq'a', roma yatinkanoj rat nu-Dios.

Wuj Richin Bix Chire ri Dios 70:5

Jak'a yin, k'a ink'o na pa q'axo'n y kan k'a k'o nik'atzin chuwe; Nu-Dios yin, chi'anin katanpe y kinato'. Ja rat ri at nuto'onel y nukolonel, nu-Dios yin, tabana' utzil kinato' chi'anin.

Wuj Richin Bix Chire ri Dios 71:12

Nu-Dios yin, tabana' utzil man kinaya' kan nej chawe rat. Nu-Dios yin, chi'anin katanpe richin yinato'.

Wuj Richin Bix Chire ri Dios 84:2

Ri wánima kan nurayibej chi nik'oje' ta pa ruwa-jay chire ri awachoch. Rik'in ronojel wánima, ninya' aq'ij rat k'aslik Dios. Ninbixaj rik'in kikoten.

Wuj Richin Etamabel-Tzij 13:12

Toq xa man nibanatej ta ri royoben-apo jun wineq, xa nuya' q'axo'n pa ránima; jak'a toq kan niq'ajer ri rurayibel, kan nok achi'el ri che' ri nuya' k'aslen.

Wuj Richin ri Isaías 38:18

Jak'a ri ek'o chupan ri jul richin muqbel man yetikir ta nikiya' aq'ij, y ri kaminaqi' man yetikir ta nikoyobej ri awutzil ri man nik'is ta.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin ri Isaías 8:17

Xtinwoyobej rik'in ri Jehová stape' kan man nuk'ut ta chik ri' chikiwech ri qawinaq israelita. Kan rik'in rija' xtinkuquba-wi nuk'u'x.

San Lucas 21:26

Ri winaqi' kan xkemayamo-qa roma xibinri'il roma xtikich'ob rij ronojel ri xtipe pa ruwi' re ruwach'ulew. Roma ronojel ri nimalej taq uchuq'a' ri e richin ri chikaj xkesilon roma ri ruchuq'a' ri Dios.