Wuj Richin Bix Chire ri Dios 143:6 - Kaqchiquel Bible

⁶ Ninyek k'a ri nuq'a' chawech richin nink'ul to'onik. Ri wánima kan at royoben, achi'el ri ruwach'ulew ri chaqi'j-chaqi'j rubanon roma maneq ruya'.

Wuj Richin Bix Chire ri Dios 143:6 ပူးပေါင်းရင်းမြစ်များ

Wuj Richin ri Achin Job 11:13

Xa ta rat najech jumul ri awánima chire ri Dios, y nayuq ri aq'a' richin naya-apo pa ruq'a' rija'.

Wuj Richin ri Achin Job 7:2

Ri wineq xa achi'el ri loq'on samajel ri janila nurayij jun muj; y xa achi'el chuqa' ri aj-chiq'ij samajel ri kan royoben chi nuk'ul ri rajel, roma xa roma ri' nisamej.

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

Wuj Richin Bix Chire ri Dios 44:20

Wi ta roj xatqamestaj ta kan rat, qa-Dios, o xa xqaya' ta ruq'ij jun chik dios.

Wuj Richin Bix Chire ri Dios 63:1

¡Nimalej Dios, ja rat ri at nu-Dios! Yin kan jantape' k'a yatinkanoj; ri wánima kan nichaqchi'in chawij. Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.

Wuj Richin Bix Chire ri Dios 84:2

Ri wánima kan nurayibej chi nik'oje' ta pa ruwa-jay chire ri awachoch. Rik'in ronojel wánima, ninya' aq'ij rat k'aslik Dios. Ninbixaj rik'in kikoten.

Wuj Richin Bix Chire ri Dios 88:10

Rat man ye'aben ta meyel taq banobel chikikojol ri kaminaqi'; ri kaminaqi' man xkeyakatej ta chik pe richin nikiya' aq'ij.

Wuj Richin Bix Chire ri Dios 88:9

Ri runaq'-nuwech kan xeq'equmatej yan k'a roma ri q'axo'n. Kan ronojel k'a q'ij at woyon, nimalej Jehová; kan chawech k'a rat nuyakon-q'anej ri nuq'a' richin yich'on awik'in.

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Wuj Richin ri Isaías 35:7

Pa ruk'exel yepa'e' ta pa ruwi' k'aten sanayi', xa xkepa'e' chupan jun choy. Y pa ruk'exel ri ruwach'ulew nutz'u' ta qa ri ya', kan xkek'oje' alaxibel taq ya'. Ri akuchi wakami ek'o-wi ri utiwa', chiri' xtik'oje-wi pa ruk'iyal ri q'os y aj. Y chuqa' chiri' xtik'oje' pa ruk'iyal ri pop.

San Juan 7:37

Chupan ri ruk'isibel q'ij richin ri nimaq'ij ri k'o janila rejqalen, ri Jesús pa'el y rik'in k'a ruchuq'a' xubij: Wi k'o k'a jun ri nichaqi'n ri ránima, tipe k'a wik'in yin, richin nich'uch'u-el ránima rik'in ri ya' ri xtinya-el chire yin.