Wuj Richin Bix Chire ri Dios 143:11 - Kaqchiquel Bible

¹¹ Tabana' utzil Jehová, pan abi' k'a rat xkik'ase' yin. Rik'in ri awutzil xkinawelesaj chupan ri q'axo'n.

Wuj Richin Bix Chire ri Dios 143:11 ပူးပေါင်းရင်းမြစ်များ

Wuj Richin Bix Chire ri Dios 31:1

Awik'in k'a rat Jehová, nukuquban-nuk'u'x, roma ri' man taya' q'ij richin nisach nuk'u'x. Kinakolo' rik'in ri ruchojmilal ri naben rat.

Wuj Richin Bix Chire ri Dios 119:25

Yin kan ink'o chik chuwi' kamik. Tabana' utzil taya' chik wuchuq'a', achi'el ri asujun.

Wuj Richin Bix Chire ri Dios 119:37

Man taya' q'ij chi xkentzu' ri xa man jun kejqalen; taya' nuk'aslen richin kan xtintzeqelibej ri abey.

Wuj Richin Bix Chire ri Dios 71:2

Kinato' y kinakolo' rik'in ri achojmilal; kan kinawak'axaj k'a y kinakolo'.

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Wuj Richin Bix Chire ri Dios 138:7

Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

Wuj Richin Bix Chire ri Dios 119:88

Rik'in ri awutzil taya' ruchuq'a' ri nuk'aslen. Keri' kan xtintaqej k'a ronojel ri abin rat.

Wuj Richin Bix Chire ri Dios 85:6

¿Kan man naya' ta chik kami ri qak'aslen, richin chi roj ri oj atinamit yojkikot chik awik'in?

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

Wuj Richin Bix Chire ri Dios 25:11

Jehová, roma ri awajowabal tabana' utzil takuyu' ri numak, ri kan janila nim.

Wuj Richin Bix Chire ri Dios 143:1

Nimalej Jehová, tabana' utzil tawak'axaj ri nuch'owen. Tawak'axaj toq nink'utuj utzil chawe. Tak'uluba-pe ri nuch'abel, roma rat kan naben ri nabij y kan pa ruchojmilal naben ronojel.

Wuj Richin Bix Chire ri Dios 119:107

Yin kan janila in k'ayewatajineq. Tabana' utzil Jehová taya' wuchuq'a', achi'el ri abin chuwe.

Wuj Richin Bix Chire ri Dios 119:40

Yin kan jantape' k'a nurayiben-pe nintaqej ri apixa'. Tabana' utzil taya' nuk'aslen, roma rat kan at choj-wi.

Wuj Richin Bix Chire ri Dios 25:17

Ri bis ri k'o pa wánima xa kan más k'a xnimer-pe. Roma ri' kinawelesaj k'a chupan re nuq'axomal re'.