Wuj Richin Bix Chire ri Dios 142:5 - Kaqchiquel Bible

⁵ Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

Wuj Richin Bix Chire ri Dios 142:5 ပူးပေါင်းရင်းမြစ်များ

Wuj Richin Bix Chire ri Dios 16:5

Yin kan ja ri Jehová ri xinwichinaj kan, pa ruq'a' k'a rija' k'o-wi ri nuk'aslen.

Wuj Richin ri K'uxla'anik 3:24

Ri qánima kan nubij k'a chi ja ri Jehová niya'on ronojel ri nik'atzin chiqe. Roma ri' rik'in rija' niqakuquba-wi qak'u'x.

Wuj Richin Bix Chire ri Dios 119:57

Jehová kan ja rat ri' ri ronojel ri wichin yin; kan nubin chi kan jantape' xtinnimaj ri ach'abel.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Wuj Richin Bix Chire ri Dios 91:2

Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin Bix Chire ri Dios 27:13

Jak'a kan q'axineq chinuwech chi kan xtintz'et ri awutzil rat, rokik in k'es.

San Juan 16:32

Roma kan qitzij ninbij chiwe chi ri jun q'ij ri' kan napon yan k'a, chi rix xa xtitaluj-el-iwi' y xa xkiniya' kan nuyon. Jak'a man kan ta nuyon chuqa' yik'oje' kan, roma ri nata' kan k'o-wi wik'in.

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin Bix Chire ri Dios 56:13

Roma xinakol chuwech ri kamik y xinajech'ej chuwech ri pikbel, richin chi yibiyin chuwa saqil chawech rat.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin Bix Chire ri Dios 35:12

Yin ninben utz kik'in, jak'a rije' ja ri itzel nikiben chuwe. Y re' xa nuya' bis pa wánima.

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.