Wuj Richin Bix Chire ri Dios 142:4 - Kaqchiquel Bible

⁴ Yitzu'un ri pa wijkiq'a', y man jun k'o richin yiruto'. Man jun akuchi ta ninto-wi-wi', ni kan man jun nichajin wichin.

Wuj Richin Bix Chire ri Dios 142:4 ပူးပေါင်းရင်းမြစ်များ

Wuj Richin ri Jeremías 30:17

Jak'a yin kan xtinya' chik ri raxnaqil chiwe y xtinwaq'omaj ri isokotajik stape' konojel ri e etzelanel iwichin xtikibij-qa chi rix aj-Sión kan ix malin y kan man jun achike ninatan iwichin. Yin Jehová ri yibin.

Wuj Richin Bix Chire ri Dios 88:18

Xe'ach'er k'a el chuwe yin ri kan ketaman nuwech, y ri wachibil wakami, xa kan ja ri q'equ'm.

Wuj Richin Bix Chire ri Dios 31:11

Kan in yakol k'a kitze'en ri e etzelanel wichin, y ri wachk'uljay chuqa' kan yinkiyojobej; ri etamayon nuwech nikixibij-ki' chinuwech, y ri yetz'eton wichin ye'animej toq yinkitz'et.

San Mateo 26:56

Jak'a ronojel re nibanatej wakami, xa kan richin k'a chi nibanatej ri tz'ibatel kan chupan ri ruch'abel ri Dios koma ri xeq'alajirisan ruch'abel, xcha'. Y kan jari' k'a toq ri e rutijoxela' ri Jesús xkiya' kan ruyon y xe'animej.

Wuj Richin Bix Chire ri Dios 88:8

Kan xe'ajech'ej k'a el chuwe yin ri winaqi' ri más ketaman nuwech; xaben k'a chuwe chi itzel chik yinkitz'et; wakami kan in tz'apel k'a pa jay, y man yitikir ta yinel-el.

Wuj Richin Bix Chire ri Dios 69:20

Ri q'axo'n kan rusokon k'a ri wánima y kan in k'ayewatajineq. Kan xinwoyobej chi k'o ta jun xjoyowan nuwech y kan man jun. Xinwajo' chi k'o ta xkuquban nuk'u'x, jak'a kan man jun.

2 Timoteo 4:16

Ri pa nabey toq xinuk'uex chuwech ri q'atoy-tzij, man jun xto'on wichin. Jak'a man ninwajo' ta chi ri Dios xtuya' ta ruk'exel chike ri xa man xinkito' ta y xinkiya' kan nuyon.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

Wuj Richin ri Jeremías 25:35

Rix yuq'unela' man jun akuchi niwewaj-wi-iwi', man xkixtikir ta chik xtito-el-iwi'.

Wuj Richin ri Achin Job 11:20

Jak'a ri runaq' taq kiwech ri e itzel taq winaqi' kan xtik'is kuchuq'a', y man jun akuchi xtikito-wi-ki'. Xaxe k'a ri kamik ri xtito'on-el kichin chuwech ri'.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

Wuj Richin Bix Chire ri Dios 140:6

Jak'a yin kan nujachon-wi' pan aq'a' rat Jehová. Tabana' utzil, tawak'axaj ri nuch'owen y tajoyowaj nuwech.

Wuj Richin Bix Chire ri Dios 141:9

Kinajech'ej chuwech ri pikbel ri kiya'on pa nubey; chuwech ri pikbel ri kibanon ri e banoy taq etzelal.

Wuj Richin Bix Chire ri Dios 143:4

Yin kan xinmalij k'a nuk'u'x; ri wánima kan xmayamo' yan qa.

Wuj Richin ri Jeremías 18:22

Chaq k'ate' k'a tataqa-pe jun tzobaj eleq'oma' chikij. Kan tak'axex k'a ri raqoj-chi'ij richin xibinri'il ri nikiben, roma kan xkik'ot yan jun jul richin yinkichop y kan xkiya' yan pikbel pa nubey.

Wuj Richin ri Jonás 2:8

Ri yetzeqeliben kichin ch'aqa' chik dios ri man jun kejqalen, xa niketzelaj k'a kan ri awutzil y ri ajoyowanik rat.