Wuj Richin Bix Chire ri Dios 141:5 - Kaqchiquel Bible

⁵ Wi ta jun wineq ri choj ruk'aslen yirujich'aj, ri' kan jun utzil chuwe yin, y wi yiruch'olij, kan jun k'a jubulej aq'om chuwe yin. Ronojel re' yin man ninwixowaj ta, roma utz nuben chuwe; stape' keri' yin jantape' xkich'on rik'in Dios.*f124*

Wuj Richin Bix Chire ri Dios 141:5 ပူးပေါင်းရင်းမြစ်များ

Wuj Richin ri Molojri'il 7:5

Más utz nawak'axaj ruch'olinik jun wineq ri k'o runa'oj, ke chuwech nak'ul ri nikiya' aq'ij ri winaqi' ri maneq kina'oj.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Gálatas 6:1

Wach'alal, yich'on k'a iwik'in rix ri kan ik'uan jun k'aslen achi'el ri nrajo' ri Loq'olej Espíritu. Wi k'o ta jun qach'alal ri chaq k'ate' niqaqa pa mak, rik'in ch'uch'ujil tiyaka-pe, richin keri' nichojmirisaj ri ruk'aslen. Jak'a rix tichajij-iwi', richin man nik'uluwachij chuqa' keri'.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Etamabel-Tzij 19:25

Toq nich'ay jun ri man yeruch'ob ta ri ch'abel ri yerubila', ri wineq ri man kan ta k'iy retaman, nik'astej; y toq nich'olix jun wineq ri kan k'o retamabal, kan chi'anin niq'ax chuwech ri tijonik ri niya'ox chire.

Wuj Richin Etamabel-Tzij 15:5

Ri wineq ri xa maneq runa'oj nrixowaj ri rupixabanik ri rutata'; jak'a ri kan nuben ronojel ri ruchojmilal ri nibix chire, kan k'o-wi runa'oj.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Wuj Richin Bix Chire ri Dios 125:4

Jehová, tabana' ri utz kik'in ri e utz, y kik'in ri choj kánima.

Wuj Richin Bix Chire ri Dios 51:18

Rik'in ri awajowabal rat, kan taya' k'a ri utzil pa ruwi' ri tinamit Sión. Kan tabana' k'a chi xtiyak-el ri tz'aq chirij ri tinamit.

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

San Mateo 5:44

Jak'a yin ninbij chi kan ke'iwajo' k'a ri ye'etzelan iwichin; tiya' urtisanik pa kiwi' ri ye'etzelan iwichin; utz tibana' kik'in ri xa man utz ta kina'oj iwik'in rix y tik'utuj ri rutzil ri Dios pa kiwi' ri ye'oqotan y ri yeyoq'on iwichin.

Wuj Richin Etamabel-Tzij 15:22

Ri akuchi e maneq winaqi' ri yeya'on ta utzilej taq na'oj, ri samaj xa man yebanatej ta; jak'a ri akuchi ek'o winaqi' yeya'on utzilej taq na'oj, ri samaj ri e ch'obon kan yebanatej-wi.

Wuj Richin ri Chojmirisabelri'il 19:17

Man k'a tipe pan iwánima richin niwetzelaj ri iwach'alal o ri iwinaq; xa kan tipixabaj k'a toq k'atzinel, richin keri' man niwejqalej ta rix ri rumak.

Wuj Richin Etamabel-Tzij 12:1

Xabachike k'a wineq ri utz nuna' nitijox, kan utz k'a nuna' chire ri etamabel; jak'a ri xa itzel nuna' chire ri ch'olinik, xa maneq runa'oj.