Wuj Richin Bix Chire ri Dios 14:7 - Kaqchiquel Bible

⁷ K'ate' ta chiri' pa juyu' Sión xtipe-wi ri kolonel qichin roj. Toq ri Jehová xtuya' chik urtisanik pa qawi' roj ri oj israelita, jari' toq xqojkikot qonojel.

Wuj Richin Bix Chire ri Dios 14:7 ပူးပေါင်းရင်းမြစ်များ

Wuj Richin Bix Chire ri Dios 53:6

¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin Bix Chire ri Dios 85:1

Nimalej Jehová, rat kan xajoyowaj chik ruwech re qaruwach'ulew. Xaben k'a chi xel-pe chupan ri ximonri'il.

Wuj Richin Bix Chire ri Dios 126:1

Toq ri Jehová xuya' q'ij chiqe richin xojtzolin-pe pa ximonri'il, xqana' achi'el xa ta jun achik'.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.