Wuj Richin Bix Chire ri Dios 14:4 - Kaqchiquel Bible

⁴ ¿Kan maneq ta k'a kina'oj ri yebanon etzelal y kan nikik'is ri rutinamit ri Dios achi'el xa ta ja ri kiway nikitej y kan man nikinataj ta rija'?

Wuj Richin Bix Chire ri Dios 14:4 ပူးပေါင်းရင်းမြစ်များ

Wuj Richin Bix Chire ri Dios 79:6

Taya' k'a ri awoyowal pa kiwi' ri winaqi' ri man yatkitzeqelibej ta, pa kiwi' ri ruwach'ulew ri man yatkinataj ta.

Wuj Richin ri Jeremías 10:25

Jak'a tawelesaj k'a awoyowal chikij ri tzobaj winaqi' ri man ketaman ta awech y pa kiwi' chuqa' ri winaqi' ri man nikinataj ta ri abi', roma rije' xojkik'is roj ri oj awinaq. Rije' kan xojkik'is k'a jumul y kan xojkiya' kan pa k'ayew, xicha' chire ri Dios.

Wuj Richin ri Isaías 64:7

Man jun chike ri qawinaq ri nunataj ta ri abi', y man jun najowan nuto-ri' awik'in. Roma ri' rat kan man atk'o ta chik qik'in, y kan xojamalij kan roma ri qamak.

Wuj Richin Bix Chire ri Dios 82:5

Rix xa man jun iwetaman y xa man jun niq'ax chiwech, xa kan pa q'equ'm k'a ix beneq-wi; roma ri itzel taq ibanobal rix, kan nisilon k'a ri ruxe' ri ruwach'ulew.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Am 8:4

Tiwak'axaj k'a rix winaqi' ri yixtz'ilo kichin ri maneq ok kiq'ij, y xa kan niben chike ri man jun ok k'o kik'in chi yek'oje' kan más pa meba'il.

Wuj Richin Bix Chire ri Dios 27:2

Toq xkimol-ki' chuwij ri e etzelanel wichin richin nikajo' yinkich'ek y yinkikamisaj, jari' toq xkipajk'ij kaqen y xetzaq.

Gálatas 5:15

Man tisokola-iwi' chiwech rix, roma wi keri' xtiben, xa xkixbek'is k'a chi'iwonojel.

Os 7:7

Y rik'in ri kiq'aq'arinen ri' xekikamisaj k'a ri to'onela'. Konojel ri ki-rey xa chi jujun xekamisex. Jak'a kan man jun chike rije' ri xuk'utuj ta to'onik chuwe yin, ncha' ri Jehová.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 29:14

Roma ri' yin xtinsech chik ik'u'x jun bey, rix aj-Jerusalem. Xkenben meyel taq banobel ri man jun bey itz'eton. Y ronojel ri na'oj ri k'o kik'in ri aj-na'oj kan xtik'is, y ri etamabel ri k'o kik'in rije' chuqa' xtik'is.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Achin Job 27:10

Ri kan maneq Dios chuwech man jun bey xtikikot rik'in ri Dios, xa kan man jun bey nuk'utuj ta ruto'onik ri Dios pa ruwi'.

Wuj Richin ri Isaías 5:13

Roma ri' kan chi'iwonojel k'a rix xkixuk'uex-el pa ximonri'il, roma kan maneq iwetamabal. Konojel k'a ri k'o kiq'ij, xkeken roma wayjal. Y janila chi winaqi' xkeken roma chaqi'j-chi'ij.

Wuj Richin ri Achin Job 21:15

Y chuqa' nikibij: ¿Achike ta k'a ri Dios, ri k'o ronojel uchuq'a' pa ruq'a', richin chi niqasamajij? ¿Kan k'o ta kami k'a ri niqach'ek, ri yojch'on-q'anej rik'in?, yecha'.

Wuj Richin Etamabel-Tzij 30:14

Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan; y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.