Wuj Richin Bix Chire ri Dios 14:3 - Kaqchiquel Bible

³ Jak'a konojel xa xkich'er kan ki'; xa xyojtej ri kik'aslen. Kan man jun k'a ri nibanon ta ri utz; kan man jun k'a xilitej.

Wuj Richin Bix Chire ri Dios 14:3 ပူးပေါင်းရင်းမြစ်များ

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Romanos 3:23

Roma xa kan qonojel xojmakun, y man niqaq'i' ta ri k'ojlen ri nrajo' nuya' ri Dios chiqe.

Wuj Richin Bix Chire ri Dios 14:1

Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin Bix Chire ri Dios 58:3

Rix ri ix banoy etzelal kan pan isanti'il k'a xich'er yan iwi'. Kan xaxe k'a toq xixalex, xich'er kan iwi' richin ri tz'ukuj-tzij.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

Wuj Richin Bix Chire ri Dios 143:2

Man yinaya' pa latz', yin ri in asamajel; roma man jun ri ruyon ta xtuben-qa chi man aj-mak ta chawech rat.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Wuj Richin ri Jeremías 2:13

Rix nutinamit kan iqajben ka'i' mak: Rix xa xinimalij kan yin ri in k'aslik alaxibel-ya'. Chuqa' xa xe'itzeqelibej dios ri xa e achi'el yakbel taq ya' ri xa e teq'el, ri xa man utz ta richin niyak ya' chupan.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin ri Molojri'il 7:29

Chuqa' xinwil y xinwetamaj chi ri Dios kan choj rubanik ruk'aslen ri wineq rubanon chire, xa jak'a ri wineq xa ja ri rubey ri etzelal ri xuk'uaj kan.

Wuj Richin Bix Chire ri Dios 38:5

Roma ri nuch'ujerik, ri ch'a'k chuwij kan nipujan y kan chuw chik.

Deut 1:35

Man jun achin chire re itzel sol winaqi' re' ri xtitz'eton ta ri utzilej ruwach'ulew ri nusujun kan chike ri iwati't-imama'.

1 Corintios 6:5

Ninbij keri' chiwe richin kixk'ixbitej. ¿Kan man jun k'a qach'alal chi'ikojol ri k'o ta na'oj rik'in, richin nuchojmirisaj jun ch'ojikil chiwech rix?

Wuj Richin ri Achin Job 15:16

¡K'atala', chik jun achin ri kan man jun narayij chire ri ruk'aslen y chuwirineq chupan, ri kan jebel nuna' nuben ri itzel taq banobel, achi'el xa ta nuqum ruya'!

Ex 12:30

Y chupan ri aq'a' ri' xyakatej ri rey, ri aj-raqen y konojel ri winaqi' aj-Egipto. Y kan xak'axatej jun nimalej raqoj-chi'ij chupan chijun ri Egipto, roma xa kan man jun jay ri man ta k'o jun ri kamineq.

Ex 8:31

y ri Jehová kan xuben k'a achi'el ri xuk'utuj ri Moisés. Xerelesaj k'a el ronojel ri amolo' rik'in ri rey, kik'in ri aj-raqen, kik'in konojel ri ruwinaq y kan man jun k'a amolo' xk'oje' ta kan.

Wuj Richin ri Rutikeribel 6:12

Y toq ri Dios xutz'et ronojel re', chi xaxe ri etzelal nikiben chuwech ri ruwach'ulew,

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.