Wuj Richin Bix Chire ri Dios 14:1 - Kaqchiquel Bible

¹ Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Wuj Richin Bix Chire ri Dios 14:1 ပူးပေါင်းရင်းမြစ်များ

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Achin Job 15:16

¡K'atala', chik jun achin ri kan man jun narayij chire ri ruk'aslen y chuwirineq chupan, ri kan jebel nuna' nuben ri itzel taq banobel, achi'el xa ta nuqum ruya'!

Wuj Richin ri Achin Job 22:13

Y roma ri' rat nach'ob: Wi k'a kela' k'o-wi ri Dios, man nretamaj ta achike nik'uluwachitej wawe', Kan man nitikir ta nuq'et-tzij pa ruwi' ri wineq, roma xa k'a chirij el ri sutz' k'o-wi,

Wuj Richin Bix Chire ri Dios 10:4

Roma nim nuna-ri', kan man yarukanoj ta rat, kan man yarunataj ta k'a chupan ronojel ri nuch'ob.

Wuj Richin Bix Chire ri Dios 107:17

Ri man jun ketaman xek'oje' pa tijoj-poqonal, roma ri kiyakatajinenri'il, y roma ri etzelal ri nikiben.

Wuj Richin Bix Chire ri Dios 53:1

Ri winaqi' ri maneq kina'oj nikibij-qa pa kánima chi maneq Dios. Konojel rije' xa q'ayineq chik ri kánima, ronojel ri nikiben kan janila itzel, kan man jun ri nibanon ta ri utz.

Wuj Richin Bix Chire ri Dios 73:3

roma yin kan xch'upun nuk'u'x chikij ri nima'q nikina-ki', itzel xinna' toq xintz'et chi e beneq pa jotol ri maneq Dios chikiwech.

Wuj Richin Bix Chire ri Dios 92:6

Ri wineq ri man jun retaman, man niq'ax ta k'a chuwech ronojel re'.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin Etamabel-Tzij 1:7

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik.

Wuj Richin Etamabel-Tzij 13:19

Kan jebel k'a nuna' ri ránima ri wineq toq kan nibanatej k'a ri rurayiben; jak'a ri xa man yech'obon ta jebel, kan man nikajo' ta ye'el-pe chupan ri itzel k'aslen.

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

Wuj Richin ri Isaías 1:4

¡Toq'ex iwech rix tzobaj winaqi' aj-maki'! Rix ix jun tinamit ri kan ix nojineq chi etzelal, jun sol winaqi' ri kan ix richin etzelal, achi'el alk'ualaxela' ri maneq k'ix kik'in. Rix kan xinimalij k'a kan. Y kan xiben chi xyakatej janila woyowal yin Jehová ri ink'o pan iwi'.

Wuj Richin ri Jeremías 5:12

Rije' man xkinimaj ta rutzij ri Jehová y xkibij: Ronojel re' man qitzij ta y man jun xtiqak'uluwachij. Man xqojkamisex ta rik'in espada, ni man xtipe ta wayjal chiqij.

Wuj Richin ri Jeremías 6:28

Y yin xinbij konojel rije' xa yekamulun-tzij, e banoy taq etzelal, xa e yakatajineq chuwij y kikowirisan-ki', e achi'el ri q'enq'oj-pueq y ri q'eqapueq.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

Efesios 2:12

Toqaqa chi'ik'u'x chi chupan ri ruq'ijul ri' rix ich'aron-iwi' rik'in ri Cristo. Man ix qawinaq ta y maneq iq'a' chike ri jikibel-tzij ri epeteneq rik'in ri rusujun-pe ri Dios. Man jun oyonbenri'il iwik'in y maneq Dios chiwech ri ixk'es chuwech re ruwach'ulew.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.