Wuj Richin Bix Chire ri Dios 139:4 - Kaqchiquel Bible

⁴ Kan k'a man jani tel-pe ri ch'abel pa nuchi', rat Jehová kan awetaman chik k'a ronojel ri ninbij.

Wuj Richin Bix Chire ri Dios 139:4 ပူးပေါင်းရင်းမြစ်များ

Wuj Richin Bix Chire ri Dios 19:14

Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima; xtapon ta chawech rat nimalej Jehová ri at nutobal y nukolonel yin.

Wuj Richin ri Achin Job 42:3

Rat xak'utuj chuwe, achike roma xintej nuq'ij richin xink'utuj k'iy ch'abel chawe, stape' xa maneq wetamabal. Yin xa xenbij k'a ch'abel ri man yeq'ax ta chinuwech, nimalej taq banobel ri man nuq'i' ta ri nuch'obonik.

Santiago 1:26

Wi k'o jun nibin chi nuya' ruq'ij ri Dios y xa man nuchajij ta ri' rik'in ri ruch'abel, ruyon rija' nuq'ol-ri'. Y xa man jun utz nuk'en-pe chi nubij chi rija' kan nuya-wi ruq'ij ri Dios.

Wuj Richin ri Jeremías 29:23

Kere' ri xtikik'uluwachij roma man utz ta xekiben chiri' pan Israel. Kan xemakun kik'in ri kixjayilal ri kachpochel. Y roma pa nubi' yin, xkibij ch'abel ri man e qitzij ta, ri xa man nubin ta chike richin nikiben. Yin Jehová kan wetaman ronojel re' y kan nutz'eton, xcha' ri Dios chupan ri wuj.

Wuj Richin ri Achin Job 8:2

¿K'a janipe' k'a yatane' richin yach'on keri', roma ri ach'abel xa nutukukej ronojel achi'el nuben jun surkum?

Wuj Richin ri Achin Job 38:2

¿At achike k'a rat richin chi nach'ob chi ri nuq'atbel-tzij yin xa man utz ta? Rat xaxe yach'on y man awetaman ta ri achike ninch'ob yin.

Wuj Richin ri Sofonías 1:12

Chupan ri q'ij ri' yin kan xkennik'oj ri winaqi' aj-Jerusalem; y kan xkenkanoj rik'in jun candil. Xkenya' pa tijoj-poqonal ri winaqi' ri xa kiyon rije' kikuquban-qa kik'u'x. Rije' nikich'ob-qa chi yin man jun utz ni man jun itzel xtinben chike.