Wuj Richin Bix Chire ri Dios 139:23 - Kaqchiquel Bible

²³ Nimalej Dios, tanik'oj k'a ri nuk'aslen y tatz'eta' ri wánima; kinatejtobej y tatz'eta' ri nuch'obonik;

Wuj Richin Bix Chire ri Dios 139:23 ပူးပေါင်းရင်းမြစ်များ

Wuj Richin Bix Chire ri Dios 26:2

Jehová, kinatejtobej y tanik'oj ri wánima. Tatz'eta' ri nuch'obonik y ronojel ri k'o pa wánima,

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Wuj Richin ri Achin Job 31:6

kan kirupaja' k'a ri Dios rik'in jun etabel ri kan tz'aqet nipajon, richin keri' ri Dios kan nretamaj k'a chi yin kan choj wi ri nuk'aslen.

Wuj Richin Etamabel-Tzij 17:3

Richin chi nitz'et wi utz ri saqipueq, niya'erisex pa jun bojo'y y ri q'anapueq niya'ox pan horno; jak'a richin nitz'et wi ch'ajch'oj ránima ri wineq, kan ja ri Jehová ri nitejtoben.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Wuj Richin Bix Chire ri Dios 139:1

Nimalej Jehová, rat kan in atz'eton jebel y awetaman nuwech.

Wuj Richin ri Jeremías 11:20

Jak'a yin xinbij chire ri Jehová k'iytisanel richin ronojel: Rat ri at to'onel y kan pa ruchojmilal ri naben. Rat awetaman ri nuch'ob ri wineq y chi xinjech yan wi' pan aq'a'. Roma ri' taya' k'a rutojbalil pa kiwi' richin yentz'et, xicha'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Deut 8:16

Y ri chiri' xojrutzuq rik'in aj-chikajil-wey, ri man jun bey kitz'eton ta ri qati't-qamama', y chuqa' kan xojruya' pa poqon y xojrutejtobej richin utz xqaben.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin Bix Chire ri Dios 11:5

Ri Jehová kan yerutejtobej k'a ri choj kik'aslen, jak'a ri aj-maki' y ri niqa' chikiwech yekamisan, kan yerixowaj.

Wuj Richin Bix Chire ri Dios 17:3

Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.